მოკლედ: მოსული ნალექისა და ყინვის გამო, თბილისის შემოერთებულ ტერიტორიებზე
მთელი ღამის განმავლობაში და დილის საათებში ტექნიკური მარილი იყრებოდა, — აცხადებს თბილისის მერია.

დეტალები: უწყების თანახმად, ცენტრალური და შიდა გზები გაიწმინდა ოქროყანაში, წავკისში, შინდისში, ტაბახმელაში, კოჯორში, კიკეთში, ასევე, წყნეთი-თბილისისა და წყნეთი-ბეთანიის დამაკავშირებელ გზებზე, სოფელ ახალდაბასა და ბეთანიაში.

  • "საგზაო მოძრაობის მხრივ, ამ დროისთვის შეფერხებები არ ფიქსირდება", — წერია მერიის მიერ გავრცელებულ განცხადებაში და აღნიშნულია, რომ თბილსერვის ჯგუფი ტექნიკური მარილის დაყრას, საჭიროების მიხედვით, სხვა დასახლებებშიც უზრუნველყოფს.

ფოტო: თბილისის მერია

ბოლო ხაზი: საავტომობილო მოძრაობის შეფერხების შემთხვევაში, შეგიძლიათ, დარეკოთ თბილსერვის ჯგუფის ცხელ ხაზზე: 2 61 90 50, ან თბილისის მერიის ცხელ ხაზზე — 2 72 22 22.