ელდარ შენგელაიას ცისფერი მთები ანუ დაუჯერებელი ამბავი ნამდვილი ქართული კინოკლასიკაა, რომელშიც გაუთავებელ ფურცლომანიას ვხედავთ: იქით სოსოს მოთხრობის ხელნაწერები, აქეთ — ქალბატონი თამარის უწყისები... ეს ფილმი კი 40 წელზე მეტი ხნის წინ გამოვიდა, მაგრამ ხსენებულ ფურცლომანიას დღესაც შეხვდები უამრავ კომპანიაში. ეს კი, ზუსტად ისეთივე ქაოსს იწვევს, როგორც ბზარი კედელში ან ბატონი ვასოს თავზემოთ დაკიდებული გრენლანდია.

სწორედ ასეთი პრობლემების გადასაჭრელად შეიქმნა ქართული ტექ. სტარტაპი Signify — ციფრული დაკონტრაქტების პლატფორმა, რომლითაც უკვე 500-ზე მეტი კომპანია სარგებლობს. Signify კომპანიებს საშუალებას აძლევს გაამარტივონ და გააციფრულონ დოკუმენტბრუნვა სხვადასხვა დეპარტამენტებში, იქნება ეს შესყიდვები, გაყიდვები, HR, ფრონტ ოფისი, თუ სხვა. სამართლებრივი ძალის მქონე ციფრული დოკუმენტები უსაფრთხოების ყველა სტანდარტითაცაა დაცული.

უფრო ზუსტად და მარტივად რომ აგიხსნათ, მოგიყვებით, რომელ პრობლემებს გადაჭრიდა Signify ცისფერ მთებში:

1. "მურმანიძე ხელს არ აწერს"

ალბათ ყველა სამსახურში არის ერთი თანამშრომელი მაინც, რომელსაც ყველგან უნდა აედევნო, რომ სადმე მაინც იპოვო და ხელი მოაწერინო. აი, ამ პრობლემას სულ ადვილად გადაჭრიდა Signify — ატვირთავ დოკუმენტს, მიუთითებ ადრესატებს, რომლებიც SMS-ით ან მეილით მიიღებენ მას, განსაზღვრავ ხელმოწერის რიგითობას და საქმეც მოგვარებულია. ადრესატი კი — მურმანიძე — ხელმოწერას რეგისტრაციის გარეშე, სულ რაღაც 3 კლიკით შეძლებს.

2. "გივი, ჩვენ ვართ, გივი!"

მურმანიძის შემთხვევაში ის მაინც იცი — სად ეძებო. აი, გივი კი, მისმა მეგობრებმაც არ იციან, სადაა — მივლინებაში? ალბათ თვის ბოლოს ჩამოვა... დაბრძანდით, დაელოდეთ.

არადა, სულ არაა საჭირო ლოდინი: როცა დოკუმენტს თანამშრომლებს, მათ შორის, გივის, გაუგზავნი, სტატუსისთვის თვალის მიდევნებასაც შეძლებ: ვინ მოაწერა ხელი ან თუნდაც ვინ მიიღო და გახსნა ის. შეხსენებასაც თუ ჩაურთავ დოკუმენტს, გივისნაირ გადაკარგულებს ავტომატურად მიუვათ შეტყობინება, რომ ჯერ ისევ ელოდები, როდის დაგდებენ პატივს და მოაწერენ ხელს.

3. "შაბიამნის ახალი პარტია მოიტანეს, არ გვჭირდება, მაგრამ მაინც მოაქვთ"

ცისფერ მთებში შესყიდვის პრობლემაც არსებობს — შაბიამნის ახალი პარტია მოაქვთ და მოაქვთ. ალბათ ამიტომაც იყო ბიუჯეტში გარღვევა და ამიტომ დარბოდა ბატონი ვაჟა სულ სესხბანკში.

აი, Signify კი შესყიდვა-გაყიდვის დოკუმენტბრუნვასაც ძალიან ამარტივებს: პროცესების ავტომატიზაციებით და შაბლონებით შეგიძლია სულ რამდენიმე წუთში მოამზადო, გააგზავნო და მიიღო ხელმოწერილი დოკუმენტები. რასაკვირველია, კვლავაც შეგიძლია გაგზავნილი დოკუმენტების სტატუსს თვალი ადევნო.

4. "პრემიები კი არა, ხელფასიც ვერ დაგვირიგებია"

ა, ისევ შეგვაქანა! რა თქმა უნდა, შეგაქანებს, როცა ფინანსური დოკუმენტები მოსაწესრიგებელია და ეს ოთარიც არა და არ ჩანს!

ქალბატონი თამარისადმი დიდი პატივისცემის მიუხედავად, ცისფერ მთებში Signify-ის დანერგვა ამ მიმართულებითაც მოაწესრიგებდა ქაოსს. პლატფორმა არა მხოლოდ ელექტრონული ხელმოწერების შეგროვებას, დოკუმენტების მართვასაც გაგიმარტივებს, რადგან ისინი უსაფრთხოდ ინახებიან ერთ სივრცეში. ასე აღარასდროს დაგეკარგება მნიშვნელოვანი დოკუმენტი და მისი მოძიებაც, სულ რამდენიმე წამის საქმეა.

5. "შვებულებაში ჯერ არც გავსულვარ"

ცისფერ მთებში ალბათ სულაც არ არსებობდა HR და მისი საქმეების მოწესრიგებაც გაურკვეველ პირს ევალებოდა; ამიტომაც ვერ გაეგო ბატონ იროდიონს, აქ იყო თუ იქ.

სამაგიეროდ, Signify-ის შეძლებდა, თანამშრომლებთან კომუნიკაცია მოეგვარებინა ერთხელ და სამუდამოდ. პლატფორმაზე ონბორდინგის პროცესების გაციფრულებით ეს საქმეც გამარტივებულია. მისი დახმარებით, აღარაა საჭირო აღარც ახალი თანამშრომლების მონაცემების ხელით შეგროვება და არც კონტრაქტების სათითაოდ მომზადება: შეგიძლია ერთდროულად ათასობით კონტრაქტიც კი მოამზადო და ყოველ თანამშრომელს მისი პირადი ინფორმაციის მქონე დოკუმენტი გაუგზავნო.

Signify-ის სერვისების გამოსაცდელად, შეგიძლია მოითხოვო დემო ტურიც. რეგისტრაციისთვის კი პლატფორმის ვებგვერდს უნდა ეწვიო.