HBO-ს საკულტო სერიალის, სამეფო კარის თამაშების ვარსკვლავი ემილია კლარკი გამოტყდა, რომ ყველაზე მეტად საკუთარი სახელისა და გვარის დაგუგლვის ეშინია.

"ერთი წესი მაქვს, რომელიც ბოლო დროს ჩემი ცხოვრების კრედოდ იქცა - არასოდეს დავგუგლო ჩემი თავი, მგონი ამის ყველაზე მეტად მეშინია. რა თქმა უნდა, სხვადასხვა სოციალური ქსელით ვსარგებლობ, მაგრამ არასოდეს ვკითხულობ კომენტარებს იმ ფოტოებისა და ვიდეოების გასწვრივ, რომელზეც მნიშნავენ. თუ ვერ მიტანთ, არ არის აუცილებელი, ამის შესახებ რამე ვიცოდე, გულწრფელად ვამბობ, ამას მართლა ვერ გადავიტან", ამბობს მსახიობი.

ამატებს იმასაც, რომ დედამისი ყოველთვის ატყობინებს თუ მის შესახებ რაიმე უარყოფით კომენტარს გადააწყდება.

"ბევრჯერ გავაფრთხილე, მაგრამ ყოველ ჯერზე როდესაც ჩემზე რამე უარყოფით კითხულობს მირეკავს და მიყვება", თქვა ინტერვიუს დროს ემილია კლარკმა.

შეგახსენებთ, რომ 16 ივლის სამეფო კარის თამაშების მეშვიდე სეზონის პრემიერა შედგა, რომელმაც HBO-ზე რეკორდული რაოდენობის მაყურებელმა ნახა.