რა ხდება: საქართველოს მთავრობის ადმინისტრაციის პრესსამსახურის მიხედვით, პარლამენტის მიერ მთავრობის განახლებული შემადგენლობის დამტკიცების შემდეგ, ორ სამინისტროში საკადრო ცვლილებებია.

დეტალები: საკადრო ცვლილებებია თავდაცვისა და ეკონომიკისა და მდგრადი განვითარებისა სამინისტროებში.

  • თავდაცვის სამინისტროში: ახლად დანიშნული თავდაცვის მინისტრის, ირაკლი ჩიქოვანის მოადგილე გიორგი ხაინდრავა სერგო ჯანელიძემ ჩაანაცვლა.
  • თავდაცვის მინისტრის პირველი მოადგილის პოზიცია დატოვა ლელა ჩიქოვანმა და მოადგილემ – გიორგი ბუბუნაურმა.
  • ირაკლი ჩიქოვანის მოადგილეების პოსტებზე მუშაობას განაგრძობენ დავით სუჯაშვილი და გრიგოლ გიორგაძე.

  • ეკონომიკის სამინისტროში: პირველი ვიცე-პრემიერის, ეკონომიკისა და მდგრადი განვითარების მინისტრის, ლევან დავითაშვილის პირველი მოადგილე რომეო მიქაუტაძე ნინო ენუქიძემ ჩაანაცვლა, რომელიც მანამდე მოადგილის თანამდებობას იკავებდა.
  • ლევან დავითაშვილის მოადგილეების პოსტებზე მუშაობას განაგრძობენ: მარიამ ქვრივიშვილი, გენადი არველაძე, გურამ გურამიშვილი, ირაკლი ნადარეიშვილი და ვახტანგ ცინცაძე.

ბოლო ხაზი: პარლამენტმა, 84 ხმით, 10-ის წინააღმდეგ, მთავრობის ახალ შემადგენლობას მხარი დაუჭირა 2024 წლის 8 თებერვალს. საქართველოს პრემიერ-მინისტრი ირაკლი კობახიძე გახდა, რომელიც იყო მმართველი პარტიის თავმჯდომარე და რუსული კანონპროექტის მიღების ერთ-ერთი მთავარი მხარდამჭერი.

რედაქციისგან: ევროპისკენ სვლა ირაკლი კობახიძის პირობებში? — რას ველოდოთ