რა ხდება: კლუბ ბასიანთან დეკანოზი შალვა კეკელია პარაკლისს იხდის, ადგილზე დიდი რაოდენობით პოლიციაა მობილიზებული.

"ბასიანის" მიმდებარე ტერიტორია

"ბასიანის" მიმდებარე ტერიტორია

ფოტო: On.ge

დეტალები: ბასიანთან იმყოფებიან მოძალადე, ჰომოფობი აქტივისტები, მათ შორის — გურამ ფალავანდიშვილი.

ასევე, ღიად პრორუსი დიმიტრი ლორთქიფანიძე.

"ებრძვიან ტრადიციას, ებრძვიან 10 მცნებას... შეიძლება ყველა ასეთი არ არის, მაგრამ ქალბატონი ნაჯა [ნაჯა ორაშვილი, ბასიანის თანამფლობელი] და ვიღაცები არიან, ისეთი სიმბოლიკები აქვთ, რომ ლამის შეპყრობილები არიან ბოროტი ძალით და უნდა ამას ლოცვა, ბოროტს განდევნის. ამან შეიძლება იმოქმედოს მათ სინდისზე, მთავრობის სინდისზე, შეწევნა ბევრნაირია...

  • ეს იმიტომ ხდება მათი იქ შესვლის წინ, რომ ერთი კაციც კი რომ არ შევიდეს იქ, ჩვენი აქ დგომის გამო, ეგეც საქმეა და შეიძლება მეტიც არ შევიდეს.
  • საერთოდ დასახურია ეს კლუბი, თუ არ დახურავს მთავრობა, შეიძლება იმდენი ხალხი შეიკრიბოს, რომ ფიზიკურად არ შეუშვან იქ ხალხი", — ამბობს ფალავანდიშვილი.
გურამ ფალავანდიშვილი

გურამ ფალავანდიშვილი

ფოტო: მარიამ მერლანი/ On.ge

"ბასიანთან" შალვა კეკელია და მართლმადიდებლური ეკლესიის მრევლია შეკრებილი

"ბასიანთან" შალვა კეკელია და მართლმადიდებლური ეკლესიის მრევლია შეკრებილი

ფოტო: On.ge

ფოტო: On.ge

რა გეგმები აქვს დეკანოზ შალვა კეკელიას: მან თქვა, რომ დღეს, 9 თებერვალს, 23:00 საათზე, ბასიანის ტერიტორიასთან პარაკლისს გადაიხდიდა. ამის შესახებ ფეისბუქით გავრცელებული ვიდეომიმართვისას განაცხადა.

  • "მივიდეთ კლუბთან და პარაკლისი გადავიხადოთ, ღმერთს ვთხოვოთ, ჩვენი ახალგაზრდობა გადაგვირჩინოს", — თქვა მართლმადიდებლური ეკლესიის სასულიერო პირმა.
  • მისი თქმით, ამ ფორმით ეხმიანება 27 იანვარს 19 წლის ახალგაზრდის გარდაცვალებას, რისი მიზეზიც, სავარაუდოდ, კლუბური ნარკოტიკი იყო.

კონტექსტი: 27 იანვარს 19 წლის გოგო გარდაიცვალა. როგორც კლუბი ბასიანი წერს, ახალგაზრდა ქალი კლუბის ტერიტორიაზე "დაუდგენელი მიზეზით" ცუდად გახდა, რის შემდეგაც, "მომენტალურად გაეწია პირველადი დახმარება შესაბამისი კვალიფიკაციის მქონე უსაფრთხოების გუნდის მხრიდან".

  • ბასიანის მიხედვით, დაახლოებით, 10-12 წუთში ის სასწრაფო სამედიცინო დახმარების საშუალებით გადაიყვანეს კლინიკაში, სადაც გარდაიცვალა.