ლელა წურწუმიას 10 საუკეთესო სიმღერა
ლელა წურწუმიას მუსიკალური კარიერა სამ ათწლეულზე მეტს ითვლის. ამ ხნის განმავლობაში, ათზე მეტი ალბომით, უამრავი ჰიტითა და ანშლაგით ჩავლილი კონცერტებით, იგი ქართული სცენის ნამდვილ ვარსკვლავად იქცა. ზოგმა ჩვენგანმა ლელა კასეტის ჩანაწერით გაიცნო, ზოგმაც — რადიოთი. თუმცა, საქმე ისაა, რომ მუსიკოსის პოპულარობა წლებთან ერთად არ განელებულა: მისი ჰიტები დიდი სიყვარულით სარგებლობს მელომანთა ახალ თაობაშიც.
ამდენად, როცა ლელას 10 საუკეთესო სიმღერის ჩამოწერა განვიზრახე, მალევე მივხვდი, რამდენად რთულ ამბავს შევეჭიდე; ამ ათეულს მიღმა დარჩენილ ბევრ კომპოზიციასთან გამოთხოვება გამიჭირდა, ძლივძლივობით ჩამოყალიბებულ ათეულში კი უამრავჯერ გადავანაცვლე ადგილები. თუმცა, ვეცადე, ერთი მხრივ, ჩემი გემოვნებისთვის არ მეღალატა, მეორე მხრივ კი, მუსიკოსის დისკოგრაფიის ეკლექტურობა მეჩვენებინა.
10. ერთი სიყვარულის ამბავი
2002 წელს ლელა წურწუმიამ თავის რჩეულ მუსიკალურ კოლაბორაციებს ცალკე ალბომში მოუყარა თავი. ამ ალბომში შევიდა დუეტები ისეთ ცნობილ შემსრულებლებთან, როგორებიც არიან კახაბერი, აჩიკო მეფარიძე, ზურაბ დოიჯაშვილი, მაია ბარათაშვილი და კიდევ ბევრი სხვა. მათგან გამორჩეულად აღსანიშნავია სტეფანესთან (სტეფანე მღებრიშვილი) ერთად ჩაწერილი სიმღერა ერთი სიყვარულის ამბავი, რომელიც დღემდე პოპულარობით სარგებლობს მსმენელში.
9. მხოლოდ მე გამანდე
პოპულარული დუეტების ალბომში შედის ასევე სიმღერა მხოლოდ მე გამანდე. კახაბერთან (კახაბერ ცისკარიძე) ერთად ჩაწერილი კომპოზიცია მოგვიანებით დავით დოიაშვილის პოპულარულ მიუზიკლში, შეყრა, გამოიყენეს კიდეც.
8. აღარ მინდიხარ
თუ გაგიმართლათ, შეყრაზე დასასწრები ბილეთების შეძენა მოასწარით და მერე ნახეთ კიდეც სპექტაკლი, ეს სიმღერაც გეცნობათ: სინგლი აღარ მინდიხარ ლელა წურწუმიამ 2013 წელს გამოუშვა. მისი კომპოზიტორი რუსა მორჩილაძეა (შემსრულებლის კიდევ ბევრი სხვა სიმღერის ავტორი), ტექსტი კი ირინა სანიკიძეს ეკუთვნის.
7. ალალ მე
რუსა მორჩილაძის სიმღერაა ალალ მეც, რომელიც საგანგებოდ შეყრისთვის დაიწერა. ადვილად დასამახსოვრებელი მისამღერის წყალობით, ამ კომპოზიციამაც ადვილად მოიგო მსმენელის გული. სიმღერის პოპულარობა კიდევ უფრო გაიზარდა, როცა ის სოფო ბათილაშვილმა შეასრულა პროექტში მხოლოდ ქართული.
6. ლაზი გოგოს სიმღერა
2006 წელს, მაშინ უფრო მეტად პოპ-სიმღერებით ცნობილმა ლელა წურწუმიამ თავის დისკოგრაფიაში ერთ-ერთი ყველაზე გამორჩეული ალბომი, იამო ჰელესა, გამოუშვა. ალბომში შევიდა ლაზური და მეგრული ფოლკლორული სიმღერები, რომელთა არანჟირებაც ჭაბუა ამირანაშვილს ეკუთვნის. იამო ჰელესამ დიდი სიყვარული დაიმსახურა არა მხოლოდ საქართველოში, არამედ ქვეყნის ფარგლებს გარეთ მცხოვრებ ლაზებშიც. ალბომიდან ერთ-ერთი საუკეთესო კომპოზიცია კი ლაზი გოგოს სიმღერაა.
5. რად მინდოდა
ლელა წურწუმიას ბევრ სიმღერაში ადვილად ამოიცნობთ ქალაქური მელოდიების გავლენას; სწორედ ქალაქური სიმღერებისთვის დამახასიათებელი მელანქოლიით გვიყვება ტანჯული სიყვარულის ამბავს ჯემალ სეფიაშვილის კომპოზიცია რად მინდოდა, რომელიც ახალი ათასწლეულის დამდეგს გამოვიდა.
4. ძველი ვერხვები
ლელა წურწუმია არასდროს არ იზღუდავდა თავს — არც ჟანრობრივად და არც სტილით; მისი შემოქმედება მოიცავს როგორც დენს-პოპ სიმღერებს, ასევე ბალადებს. ბალადებიდან კი გამოვარჩევდი ძველ ვერხვებს, რომელიც შედის 2003 წელს გამოშვებულ ბესტსელერ ალბომში სულელი წვიმა. საყვარელი ფრაზა სიმღერიდან — რა თქმა უნდა, "მოდი, მოგონებებს ნუ შევეხებით".
3. ვიხსენებ ყველაფერს თავიდან
მოდი, მაინც შევეხოთ მოგონებებს; თანაც, ბალადები ვახსენეთ და სამეულს ჩემთვის განსაკუთრებულად საყვარელი სიმღერით გავხსნი — ვიხსენებ ყველაფერს თავიდან. ბევრი თანატოლის მსგავსად, ეს კომპოზიცია ჩემთვისაც ბავშვობის "საუნდტრეკია" და რა გასაკვირია, რომ მისი მოსმენისას სინანულზე მეტად ნოსტალგიის ცრემლები მოგადგება თვალზე...
2. თეთრი ქარავანი
ქალაქურთან ერთად, ლელას რამდენიმე სიმღერაში აღმოსავლური მოტივებიც ჟღერს. აი, თეთრი ქარავანი კი, რომელიც ასევე შედის ალბომში სულელი წვიმა, მართლაც 1001 ღამის ზღაპარში გამოგზაურებთ — მათ შორის, ვიდეოკლიპით, რომელიც განსაკუთრებულ აღნიშვნას იმსახურებს. იმაშიც დარწმუნებული ვარ, ეს სიმღერა რომ თავის დროზე ევროვიზიაზე მოხვედრილიყო როგორმე, ჩვენს ქვეყანას დიდ წარმატებას მოუტანდა.
1. ღამის სიჩუმე გაფანტე
დაბოლოს, რასაკვირველია, პირველ ადგილს იმსახურებს სიმღერა, რომელიც უკვე ორ ათწლეულზე მეტია, ჰიტად რჩება, მომღერალს კი ყველა კონცერტზე უწევს მისი შესრულება განსაკუთრებული ოვაციების ფონზე. ისიც გემახსოვრებათ, მაია კაჭკაჭიშვილის ეს კომპოზიცია კოვიდპანდემიის პერიოდში საყოველთაო კარანტინისა და კომენდანტის საათის არაოფიციალურ ჰიმნად რომ იქცა...
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვაგანცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს განცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაგორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა. გორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა.
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
კომენტარები