რეჟისორი და სპორტსმენი სოსო ჯაჭვლიანი 65 წლის ასაკში გარდაიცვალა.

  • ამის შესახებ ინფორმაციას პირველი არხი, ჯაჭვლიანის ოჯახის ახლობლებზე დაყრდნობით ავრცელებს.
  • ჯაჭვლიანი, ბოლო წლების განმავლობაში, მძიმე დაავადებას ებრძოდა და კლინიკაში გადიოდა მკურნალობას.

ჯაჭვლიანი პოლიტიკაში: სოსო ჯაჭვლიანი საქართველოს მე-8 მოწმევევის პარლამენტის წევრი იყო 2012-2016 წლებში.

  • ის პარლამენტში შევიდა საარჩევნო ბლოკით — ბიძინა ივანიშვილი - ქართული ოცნება.
  • პარტიიდან წასვლის შესახებ, 2020 წლის ოქტომბერში განაცხადა: "როცა 2012 წელს მოვედით, ხალხს სამართლიანობის აღდგენას ვპირდებოდით, რომ აღარ ყოფილიყვნენ ზონდერები, მომხდარიყო წართმეული ქონების დაბრუნება და ასე შემდეგ. აქედან რაც შესრულდა, საზოგადოებამ კარგად იცის — არაფერი, დაპირებების 95 % არ შესრულდა. აქედან გამომდინარე, ყოველთვის გამოვხატავდი ჩემს წყენას ამასთან დაკავშირებით", — თქვა მაშინ ჯაჭვლიანმა.
  • ჯაჭვლიანი, ასევე, იყო მკლავჭიდის ფედერაციის პრეზიდენტი.

ჯაჭვლიანი კინოში: გადაღებულია ფილმებში – ნატვრის ხე, ამაღლება, ძმა, სიბრძნის კარავი, სამი ალიყური, თეთრი ბაირაღები, უძინართა მზე, სვანი, მაიტა ნასოსი და სხვა.

ბოლო ხაზი: სოსო ჯაჭვლიანი დაიბადა 1958 წლის 5 ივნისს.