მოკლედ: კონკურენციისა და მომხმარებლის დაცვის სააგენტო აცხადებს, რომ გეგმავს, 2024 წელს მოამზადოს დოკუმენტი, რომელიც გარკვეულ წესს დააკისრებს ინფლუენსერებს.

რა წესზე საუბრობს სააგენტო: შესაძლოა, სავალდებულო გახდეს ვიდეოში იმის მითითება, რომ ინფლუენსერი კონკრეტული კომპანიისგან თანხის სანაცვლოდ უწევს რეკლამირებას პროდუქტს, ან მომსახურებას.

  • "საუბარია ევროპული გამოცდილების საფუძველზე, სამოქმედო სტანდარტის გაზიარებაზე, იმ შემთხვევებისთვის, თუ მომხმარებელს ექნება პრეტენზია კონკრეტული ინფლუენსერის მიერ გავრცელებულ ინფორმაციასთან დაკავშირებით. მსგავსი მიდგომა ადაპტირებულია ევროკავშირის წევრ ქვეყნებში", – აცხადებენ სააგენტოში.
  • კონკურენციის სააგენტოს მიხედვით, წესი გავრცელდება ინფლუენსერების მიერ განთავსებულ მხოლოდ იმ ვიდეო ნაწარმზე, რომელიც რეკლამას შეიცავს.

რას ნიშნავს ინფლუენსერი: ისინი არიან კერძო პირები, რომლებიც ნდობით სარგებლობენ ინტერნეტის აუტორიაზე: ინფლუენსერები გავლენას ახდენენ გამომწერების მოსაზრებებზე, ქცევებსა და გადაწყვეტილებებზე სხვადასხვა მიმართულებით, როგორიცაა, მაგალითად, მოდა, სილამაზე, ფიტნესი, ტექნოლოგია, თამაშები, მოგზაურობა და ასე შემდეგ.

ბოლო ხაზი: ბოლო წლებში სოციალური მედიის პლატფორმების აუდიტორიის კიდევ უფრო გაფართოებამ მნიშვნელოვნად გაზარდა ინფლუენსერების როლი ციფრულ მარკეტინგში, რადგან ისინი დიდ აუდიტორიებზე ახდენენ გავლენას როგორც Tiktok-ზე, ასევე, Instagram-სა და Youtube-ზე.