მოკლედ: ზესტაფონის სასამართლოს გადაწყვეტილებას, გირაოთი გაეთავისუფლებინა პედაგოგი, რომელიც კოლეგის მიმართ ადევნებაშია ბრალდებული, პროკურატურა სააპელაციო წესით გაასაჩივრებს.

დეტალები: პროკურატურამ ზესტაფონის რაიონულს სასამართლოს ბრალდებულისთვის აღკვეთის ღონისძიების სახით — პატიმრობის შეფარდების და თანამდებობიდან გადაყენების მოთხოვნით მიმართა,

თუმცა, სასამართლომ ბრალდებულს აღკვეთის ღონისძიების სახედ გირაო — 2.000 ლარი შეუფარდა.

რა ვიცით დანაშაულზე: შსს-ს გამოძიებით დადგინდა, რომ 2021 წლიდან 2023 წლამდე პერიოდში, პედაგოგი თავის კოლეგასთან არასამსახურებრივ და არასასურველ კომუნიკაციას სისტემატურად ამყარებდა.

  • კატეგორიული უარის მიუხედავად, ბრალდებული დაზარალებულს დაჟინებით სთხოვდა სქესობრივ ურთიერთობას.
  • პედაგოგს ბრალდება წარედგინა სისხლის სამართლის კოდექსის 151 პრიმა მუხლის პირველი ნაწილით [ადევნება, რამაც დაზარალებულის ფსიქიკური ტანჯვა და ძალადობის გამოყენების შიში გამოიწვია].

ბოლო ხაზი: გადაწყვეტილებას პროკურატურა სააპელაციო სასამართლოში კანონით დადგენილ ვადაში გაასაჩივრებს.

მსგავსი: პროკურატურამ ადევნების ფაქტზე პედაგოგს ბრალდება წარუდგინა