მოკლედ: თბილისში სატრანსპორტო საშუალების ხმაურის დონის დამდგენი დეტექტორები განთავსდება.

  • ამის შესახებ თბილისის მერმა კახა კალაძემ მთავრობის სხდომაზე განაცხადა.

დეტალები: კალაძის თქმით, მერია ითანამშრომლებს შინაგან საქმეთა სამინისტროსთან. ისინი ერთად განსაზღვრავენ კონკრეტულ ადგილებს, სადაც ხმაურის დონის დამდგენი დეტექტორები განთავსდება.

  • "ხმაურის ნორმის დამრღვევი სატრანსპორტო საშუალება დაჯარიმდება", — აღნიშნა კალაძემ.
  • მისივე თქმით, ბოლო პერიოდში, თბილისში გახშირდა ავტოსატრანსპორტო საშუალებების მხრიდან ხმაურისთვის დაწესებული ნორმების დარღვევა.
  • "აღნიშნული პრობლემით წუხდება მოსახლეობა. საღამოს, ღამის საათებში, როდესაც ადამიანი ისვენებს, ხმაურიანი ავტოსატრანსპორტო საშუალებები დისკომფორტს ქმნიან", — თქვა თბილისის მერმა.

ბოლო ხაზი: ხმაურის დეტექტორები, რომელიც თბილისში უნდა განთავსდეს, ჰოლანდიური კომპანია Sorama B.V-ს მიერაა დამზადებული.