მოკლედ: ილიას სახელმწიფო უნივერსიტეტის რექტორმა, ნინო დობორჯგინიძემ, კეკელიძის ქუჩაზე დაკავებული გიორგი ხასაიასა და კაკო ჩიქობავას მხარდასაჭერად, სააპელაციო სასამართლოს წერილით მიმართა.

დეტალები: დობორჯგიძინე წერილში აღნიშნავს, რომ ხასაიასა და ჩიქობავას აკადემიური საზოგადოება ახასიათებს, როგორც მაღალი მოქალაქეობრივი პასუხისმგებლობის მქონე ახალგაზრდებს.

  • მისი თქმით, მათი უწყვეტად ყოფნა ამ სფეროში მნიშვნელოვანია მათი სამეცნიერო კარიერისა და შესაბამისი დარგების განვითარებისთვის.
  • "გიორგი ხასაია ილიაუნის სოციალური და კულტურული ანთროპოლოგიის სადოქტორო პროგრამის დოქტორანტია. აღნიშნულ პროგრამაში შეირჩა განსაკუთრებული კვლევითი და ანალიტიკური უნარების გამო. ვფიქრობთ, გიორგი ხასაიასა და აკაკი ჩიქობავას ჩამოშორება სამეცნიერო-კვლევითი და სასწავლო საგანმანათლებლო საქმიანობიდან დიდი დანაკლისი იქნება როგორც მათთვის, ასევე უნივერსიტეტებისთვის", — აღნიშნულია წერილში.
  • ილიაუნის რექტორი მოსამართლეს მიმართავს, რომ საკითხის განხილვისას აღნიშნული გარემოებები გაითვალისწინოს.

ბოლო ხაზი: კაკო ჩიქობავა და გიორგი ხასაია 23 იანვარს, კეკელიძის ქუჩაზე სისხლის სამართლის წესით დააკავეს. ხატიაშვილების ოჯახის გამოსახლების დროს, მათ აღსრულების პოლიციის მანქანა დააზიანეს და 3-დან 6 წლამდე პატიმრობა ემუქრებათ.

მსგავსი: უნივერსიტეტის პროფესორები მზად არიან, თავდებში ჩაუდგნენ აკაკი ჩიქობავას — თსუ