რამდენიმე კვირის წინ ერთ-ერთ აუქციონზე თუფაქის წერილი გაიყიდა, რომლის ადრესატიც მადონა იყო. წერილში რეპერი აღიარებდა, რომ ის პოპ დივას კანის ფერის გამო დაშორდა.

ახლახანს კი კიდევ ერთი წერილი გამოჩნდა, რომლის ავტორიც თავად მადონაა და ვინმე "ჯეის" (J) სწერს, რომ ხშირად მოსდის თავში თვითმკვლელობასთან დაკავშირებული აზრები.

წერილი სავარაუდოდ 1990-იანი წლების დასაწყისშია დაწერილი და მადონა ჰოლივუდის ვარსკვლავ შერონ სტოუნსა და მომღერალ უიტნი ჰიუსტონს უარყოფით კონტექსტში ახსენებს.

"შერონ სტოუნსა და უიტნი ჰიუსტონს ვერც კი დაესიზმრებოდათ ის წარმატება, რაც ახლა აქვთ. რეალურად ისინი იმდენად უღიმღამოები არიან, რომ ხანდახან მიკვირს, როგორ მოახერხეს ამდენი. ამის მიუხედავად, მათ დადებით მხარეებს ხშირად იყენებენ ჩემს დასამცირებლად", წერს მადონა წერილში.

წერილს მოგვიანებით შერონ სტოუნიც გამოეხმაურა.

"პირველ რიგში მგონია, რომ აბსურდია შენი პირადი წერილის საჯაროდ გამოქვეყნება, თუმცა მაინც გპასუხობ. შენ იცი, რომ მე შენი მეგობარი ვარ. ზოგჯერ როკ ვარსკვლავობა მეც მდომებია და ამ მომენტში სწორედ ისეთ ნაკლოვან ადამიანად ვგრძნობდი თავს, როგორსაც შენ აღწერ წერილში. დიდი გზა გავიარეთ ერთად და ვიცით, რომ საკუთარი ნაკლოვანებების აღიარება და მათთვის წინააღმდეგობის გაწევა ჩვენივე ძლიერი მხარეების გამოსავლენად ერთადერთი გზაა. მხოლოდ ასე შეგვიძლია გავხდეთ ისინი, ვინც ვართ. მიყვარხარ და აღფრთოვანებული ვარ შენით, ვერაფრით შევძლებ, რომ შენს წინააღმდეგ განვეწყო", წერს შერონ სტოუნი.