Motor Intelligence-ის მონაცემების თანახმად, ავტომობილების მწარმოებელმა კომპანიებმა 2023 წელს აშშ-ში 15,6 მილიონი ავტომობილი გაყიდეს, რაც 2022 წლის მონაცემს 12,3%-ით აღემატება. აღსანიშნავია, რომ 2019 წელს, ვიდრე ინდუსტრიას პანდემია შეუტევდა, კომპანიების გაყიდვებმა 17 მილიონ ერთეულს მიაღწია. როგორც ჩანს, ამერიკა პიკაპების ტიპის ავტომობილების მიმართ სიყვარულს ინარჩუნებს — ეს 2023 წლის მონაცემებიდანაც კარგად ჩანს.

აქვე უნდა ითქვას, რომ კომპანიების მხრიდან დეკემბრის მარკეტინგულმა აქტივობებმა შედეგი გამოიღო, რაც გაყიდვებზე პირდაპირ აისახა. აღსანიშნავია, რომ 2023 წლის დეკემბრის გაყიდვები, 2022 წლის იმავე თვის მონაცემთან შედარებით, 13%-ით არის გაზრდილი, რაც არაერთი ანალიტიკოსის წინასწარ შეფასებას ორჯერ აღემატება.

რაც შეეხება მიმდინარე წლის პროგნოზებს, ანალიტიკოსები ელოდებიან, რომ 2024 წელს ავტომობილების გაყიდვები 15,6-დან 16,1-მილიონ ერთეულამდე იქნება.

ავტომობილების მწარმოებლებელთა ნაწილისთვის წარმატებული წელი მათი აქციების ღირებულებაზეც აისახა. მაგალითისთვის: 2023 წელს Tesla-ს აქციების ფასი წლიურად 101,7%-ით, ხოლო Toyota-ს ფასიანი ქაღალდები ღირებულება 34%-ით გაიზარდა.

ასეთი იყო ტოპ-10 ავტომობილის გაყიდვები აშშ-ის ბაზარზე 2023 წელს:

1. Ford F-Series: 750,789 ერთეული — ზრდა 14.8% 2022 წელთან შედარებით;

ფოტო: CNBC

2. Chevrolet Silverado: 543,780 — ზრდა 5.9%;

ფოტო: CNBC

3. Ram pickup: 444,926 – კლება 5%;

4. Toyota RAV4: 434,943 — ზრდა 8.8%;

ფოტო: CNBC

5. Tesla Model Y: 394,497 — ზრდა 56.5%;

6. Honda CR-V: 361,457 — ზრდა 51.8%;

ფოტო: CNBC

7. GMC Sierra: 295,737 — ზრდა 22.4%;

8. Toyota Camry: 290,649 – კლება 1.5%;

ფოტო: CNBC

9. Nissan Rogue: 271,458 — ზრდა 45.6%;

10. Jeep Grand Cherokee: 244,594 — ზრდა 9.5%.

ფოტო: CNBC

თუ ავტომობილების სექტორში ინვესტირებით დაინტერესდები, უნდა იცოდე, რომ ამ და სხვა უმსხვილესი კომპანიების აქციების ყიდვა საქართველოს ბანკის მობილბანკით არის შესაძლებელი. აქ ინვესტირების დაწყება მარტივად, ნებისმიერი თანხით შეგიძლია.

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა