მოკლედ: რუსეთის საგარეო საქმეთა მინისტრი, სერგეი ლავროვი გაეროს უშიშროების საბჭოს სხდომებში მონაწილეობის მისაღებად, ნიუ-იორკში ჩავიდა.

დეტალები: რუსული პროპაგანდისტული მედიის ცნობით, ლავროვი მოსკოვიდან აშშ-ის მიმართულებით "არამეგობრული სახელმწიფოების გვერდის ავლით გაფრინდა", რის გამოც მისი მგზავრობა 12 საათი და 45 წუთი გაგრძელდა.

სტრიქონებს შორის: რუსეთის მთავრობამ არამეგობრულად გამოაცხადა ის ქვეყნები, რომლებიც, უკრაინაში ომის დაწყების შემდეგ, რუსეთის წინააღმდეგ სანქციებს შეუერთდა.

ლავროვი ნიუ-იორკში 24 იანვრამდე დარჩება.

  • გაეროს უშიშროების საბჭოს შეხვედრებზე საუბარი იქნება უკრაინასა და ახლო აღმოსავლეთში მიმდინარე მოვლენების შესახებ.