მოკლედ: მას შემდეგ, დასავლური ქვეყნების ალიანსმა იემენში ჰუსიტების სამიზნეები დაბომბა, ნავთობის ფასი 2%-ზე მეტით გაიზარდა.

  • საფრთხის გამო, რომ შესაძლოა, კონფლიქტი უფრო ფართო, რეგიონულ ომში გადაიზარდოს, ბრენტის ტიპის ნავთობის ფასმა 2.5%-ით მოიმატა და 80-დოლარიან ნიშნულს მიაღწია.

ამ თემაზე: აშშ-მა და დიდმა ბრიტანეთმა იემენში ჰუსიტების ობიექტები დაბომბეს

დეტალები: ალიანსმა, რომელსაც სათავეში ამერიკა უდგას, დარტყმები იემენში მდებარე ჰუსიტების ობიექტებზე წუხელ განახორციელა.

  • რამდენიმე საათით ადრე, ირანმა თურქეთიდან ომანისკენ მიმავალი ტანკერი დააკავა.
  • ომანის ყურე, სადაც ტანკერი დააკავეს, ძალიან ახლოს არის ჰორმუზის სრუტესთან, რომელიც ნავთობის მიწოდებისთვის ერთ-ერთი ყველაზე მნიშვნელოვანი სატრანსპორტო მარშრუტია.
  • ამ ვიწრო გასასვლელში, ყოველდღიურად, 20 მილიონ ბარელზე მეტი ნავთობი გადის, რაც გლობალური მოხმარების, დაახლოებით, მეხუთედს უტოლდება.

ბოლო კვირებში, ირანის მიერ მხარდაჭერილი ჰუსიტების თავდასხმებმა წითელ ზღვაში გამავალ კომერციულ გემებზე, გლობალური ვაჭრობა და საწვავის მიწოდება შეაფერხა.

გაიგე მეტი: თავდასხმები წითელ ზღვაში — ვინ არიან ჰუსიტები და რატომ ბომბავენ გემებს