მოკლედ: პარტია საქართველოსთვის ინიციატივით გამოვიდა, რომ პრეზიდენტი, საარჩევნო კოლეგიის ნაცვლად, საქართველოს მოქალაქეებმა პირდაპირი წესით აირჩიონ.

  • ამის შესახებ დღეს, პარლამენტში გამართულ ბრიფინგზე, პარტია საქართველოსთვის წევრმა ბექა ლილუაშვილმა განაცხადა.

დეტალები: ლილუაშვილმა ოცნების საპატიო თავმჯდომარესა და საპარლამენტო უმრავლესობას მოუწოდა, საგაზაფხულო სესიიდანვე იმუშაონ პრეზიდენტის პირდაპირი გზით არჩევის წესის დაბრუნებასთან დაკავშირებით.

  • ლილუაშვილმა აღნიშნა, რომ საკითხი პრეზიდენტის არჩევის წესთან დაკავშირებით პარტია საქართველოსთვის საარჩევნო პროგრამის ნაწილშიც ჰქონდათ.
  • "საახალწლო სიურპრიზების შედეგად, ჩვენდა სასიკეთოდ მოხდა ამ პროცესების დაჩქარება. ეს გამოცდილება არ არის უცხო, ბევრ ევროპულ სახელმწიფოს მოუწია დაებრუნებინათ პრეზიდენტის პირდაპირი არჩევის წესი", — თქვა ლილუაშვილმა.

ბოლო ხაზი: არსებული კანონმდებლობით, სალომე ზურაბიშვილი პირდაპირი წესით არჩეული ბოლო პრეზიდენტია. 2024 წლიდან პრეზიდენტს 5 წლის ვადით ღია კენჭისყრით 300-წევრიანი საარჩევნო კოლეგია აირჩევს, მათ შორის, საქართველოს პარლამენტის და აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების ყველა წევრი.