რა ხდება: გორის მუნიციპალიტეტის მერია ახალი წლის ღამეს პიროტექნიკას არ გამოიყენებს. ამის შესახებ ინფორმაცია ფეისბუქის საშუალებით გაავრცელეს, სადაც, ასევე, წერია, რომ

  • პიროტექნიკისთვის განსაზღვრული თანხა გარემოს დაცვის შესახებ ცნობიერების ამაღლების კამპანიას მოხმარდება.

რატომ არის მნიშვნელოვანი: საქართველოში ყოველწლიურად, საახალწლო პიროტექნიკის გამოყენების შედეგად, ათეულობით ადამიანი იღებს დაზიანებებს.

გარდა ამისა,

  • პიროტექნიკა ზიანს აყენებს ცხოველებს, ფრინველებს;
  • გარემოში მეტალებს ტოვებს და მჟანგავი ნივთიერებებით აბინძურებს;
  • ფეიერვერკებს ხანძრების გამოწვევა შეუძლია;
  • საახალწლო პიროტექნიკა აბინძურებს ჰაერს, ხშირ შემთხვევაში იწვევს სმოგს.

არქივიდან: 7 მიზეზი — რატომ უნდა ვთქვათ უარი ფეიერვერკების გამოყენებაზე