66 წლის ასაკში ქართველი მწერალი, ზურაბ ქარუმიძე გარდაიცვალა.

ინფორმაციას მისი მეგობრები და ოჯახის წევრები სოციალურ ქსელში ავრცელებენ.

ზურაბ ქარუმიძის შემოქმედება: პირველი მოთხრობა მან 1990 წელს გამოაქვეყნა გაზეთში "ლიტერატურა და სხვა";

  • 1996 წელს მისი ორი მოთხრობა დაიბეჭდა ჟურნალში "Clockwatch Review“ (Bllomington, Il., USA);
  • 1998 წელს გამოვიდა მოთხრობათა კრებული "Opera"; 2000 წელს რომანი "ღვინომუქი ზღვა";
  • 2003 წელს – რომანი "თხა და გიგო";
  • 2005 წელს ნიუ-იორკში, მისი თანარედაქტორობით გამოიცა წიგნი "Enough: Rose Revolution in the Republic of Georgia, 2003";
  • 2009 წელს დაიბეჭდა მისი წიგნი "ჯაზის ცხოვრება".

ზურაბ ქარუმიძე არის ავტორია ინგლისურენოვანი რომანისა "Dagny or a Love Feast" ("დანგი ანუ სიყვარულის აღაპი"), რომელიც წარდგენილი იყო დუბლინის საერთაშორისო ლიტერატურულ პრემიაზე 2012 წელს, 2014 წელს გამოვიდა აშშ-ში, 2015 წელს – თურქეთში, 2017 წელს – გერმანიაში და დასახელდა გერმანიაში გამოსულ წიგნთა საუკეთესო ათეულში.

  • 2011 წელს გამოიცა მისი რომანი "მელია-ტულეფია: Fox-Trot"; 2013 წელს – ვრცელი მოთხრობა "ბაშიაჩუკი ანუ მობიდიკი"; 2014 წელს – რომანი "ჯაზის ყვავილობა", 2017 წელს კი შოუ ბაბუხადიას ფსევდონიმით გამოვიდა მისი რომანი "ბაყაყები".

2018 წელს ქარუმიძეს მიენიჭა ლიტერატურული პრემია "ლიტერა" რომანისთვის "მოგზაურობა ევროპაში“.

2010 წელს პრემია "საბა" წიგნისთვის "ჯაზის ცხოვრება“.