მოკლედ: ეროვნულ-დემოკრატიული ინსტიტუტისა (NDI) და CRRC-
საქართველოს მიერ, დღეს გამოქვეყნებული კვლევის თანახმად, გამოკითხულთათვის, პოლიტიკური სიმპათიის მიუხედავად, სიღარიბე და ეკონომიკასთან დაკავშირებული პრობლემები დაუცველობის გრძნობის გამომწვევი მთავარი ფაქტორებია.

დეტალები:

  • ათიდან ერთი მოქალაქე ამბობს, რომ ოჯახს საკვებზე ფული არ ჰყოფნის;
  • ხოლო ოთხიდან ერთი ადამიანის თქმით, ოჯახს შემოსავალი მხოლოდ საკვებზე ჰყოფნის და სხვა არაფერზე.
  • კვლევის მიხედვით, ამ კუთხით კიდევ უფრო რთული მდგომარეობაა ეთნიკური უმცირესობების დასახლებებში, სადაც მოსახლეობის მეოთხედი ამბობს, რომ საჭმლის ფული არ აქვთ.

ბოლო ხაზი: NDI აღნიშნავს, რომ გამოკითხვა 2023 წლის 12 ოქტომბრიდან 4 ნოემბრამდე ჩატარდა ქვეყნის მასშტაბით, ოკუპირებული ტერიტორიების გამოკლებით.

  • კვლევა საქართველოს ზრდასრული მოსახლეობის წარმომადგენლობით პირისპირი გამოკითხვის შედეგებს ემყარება.
  • მოიცავს ისეთ საკითხებს როგორიცაა: დემოკრატია, ეკონომიკა, ჯანდაცვა, განათლება, ინსტიტუტები, ქალების პოლიტიკური მონაწილეობა და საგარეო პოლიტიკა.