რა ხდება: 4 დეკემბრის ღამეს რუსმა ოკუპანტებმა, უკრაინის მიმართულებით გაუშვეს 23 უპილოტო საფრენი აპარატი "შაჰედ-136/131“ ოკუპირებული ყირიმიდან და მართვადი რაკეტა ოკუპირებული ხერსონის რეგიონის საჰაერო სივრციდან.

დეტალები: უკრაინის საჰაერო ძალების პრესსამსახურის ცნობით, საჰაერო თავდასხმის მოგერიებაში მონაწილეობდნენ გამანადგურებელი თვითმფრინავები, საზენიტო-სარაკეტო დანაყოფები და უკრაინის თავდაცვის ძალების მობილური საცეცხლე რაზმები.

  • უკრაინის ინფორმაციით, მათმა ჯარისკაცებმა, საბრძოლო მუშაობის შედეგად, გაანადგურეს 18 უპილოტო საფრენი აპარატი და ერთი X-59 მართვადი რაკეტა. საჰაერო თავდაცვა მოქმედებდა უკრაინის, სულ მცირე, ცხრა რეგიონში.
  • 3 დეკემბერს, პრეზიდენტმა ვოლოდიმირ ზელენსკიმ მოუწოდა უკრაინელებს, უახლოეს დღეებში, არ დაეიგნორებინათ განგაშის სიგნალი.