რა ხდება: "ერთიანი ნაციონალური მოძრაობის“ თავმჯდომარე ლევან ხაბეიშვილი და პარტიის
საერთაშორისო მიმართულების მდივანი ზურაბ ჭიაბერაშვილი ოფიციალური ვიზიტით
აშშ-ში გაემგზავრნენ.

დეტალები: პარტიის პრესსამსახურის ინფორმაციით, ისინი 4-7 დეკემბერს ვაშინგტონში პოლიტიკური პარტიების ყველაზე დიდ ფორუმს, IDU-ს ფორუმს დაესწრებიან.

  • ფორუმს, ასევე, დაესწრებიან საპარლამენტო ფრაქციის „ერთიანი ნაციონალური მოძრაობის“ თავმჯდომარე თინა ბოკუჩავა და პარტიის საერთაშორისო მიმართულების სამსახურის უფროსი ირაკლი ქავთარაძე.
  • ასევე, პრესსამსახურის ცნობით, ხაბეიშვილს ექნება მაღალი რანგის შეხვედრები და მათ შორის, შეხვდებიან IDU-ს პრეზიდენტს სტეფან ჰარპერს.
  • 8 დეკემბერს კი, ნიუ იორკში, პარტიის ლიდერები შეხვდებიან ქართველ ემიგრანტებს.