მოკლედ: TV პირველის შაბათის ეთერში გავიდა სიუჟეტი, სადაც საუბარია იმაზე, რომ ჯარისკაცებს ვადაგასული საკვების ჭამას აიძულებენ.

  • სიუჟეტში ნაჩვენებია გაფუჭებული და დამპალი საკვების ფოტოებიც, რომლებიც მათი თქმით, ტელევიზიას კონფიდენციალურმა პირმა მიაწოდა.

დეტალები: TV პირველის ეთერში გასულ სიუჟეტს გამოეხმაურა თავდაცვის სამინისტრო.

  • უწყებაში ამბობენ, რომ ეს ტელეკომპანიის დეზინფორმაციული კამპანიის ნაწილია, რომლის მიზანიც თავდაცვის ძალებისა და სახელმწიფო სტრუქტურების დისკრედიტაციაა.
  • მათი მტკიცებით, 2020 წლიდან კვების კონტროლი გაძლიერებულია და არსებობს ხარისხის კონტროლის დეპარტამენტიც.
  • "უწყება მზად არის ნებისმიერ დროს, წინასწარ, ობიექტის დასახელების გარეშე დაინტერესებულ მხარესთან ერთად ჩაატაროს კვების მონიტორინგი", — აღნიშნულია სამინისტროს განცხადებაში.