რა ხდება: პროკურატურამ საგარეჯოს რაიონის სოფელ ლამბალოში მომხდარი არასრულწლოვნის მკვლელობის ფაქტზე ბრალდებულს ბრალდება არასრულწლოვნის გაუპატიურების მუხლით დაუმძიმა.

ინფორმაციას პროკურატურა ავრცელებს.

დეტალები: გამოძიებით დადგინდა, რომ 2023 წლის ზაფხულში, ბრალდებულმა 14 წლის არასრულწლოვანი, ქორწინების იძულების მიზნით, გაიტაცა და საგარეჯოს რაიონის სოფელ ლამბალოში მიიყვანა.

  • გოგოს თავისუფლად გადაადგილების უფლება არ მისცეს.
  • არასრულწლოვანმა მოახერხა გაპარვა, თუმცა მისი ოჯახის წევრებმა ის უკან დააბრუნეს.
  • ბრალდებული, გოგოს მასთან ყოფნის პერიოდში, აუპატიურებდა.
  • 6 ოქტომბერს კაცმა, იმის გამო, რომ გოგოს გაქცევით თავი შეურაცხყოფილად იგრძნო, 14 წლის არასრულწლოვანს ცეცხლსასროლი იარაღიდან რამდენიმე ჭრილობა მიაყენა, რის გამოც გოგო ადგილზე გარდაიცვალა.
  • კაცს ბრალი რამდენიმე მუხლით წარუდგინეს, მათ შორის — განზრახ მკვლელობა, ჩადენილი არასრულწლოვანი ოჯახის წევრის მიმართ გენდერის ნიშნით, თავისუფლების უკანონო აღკვეთა დამნაშავისთვის წინასწარი შეცნობით არასრულწლოვნის მიმართ, გაუპატიურება, ჩადენილი დაზარალებულის უმწეობის გამოყენებით, არასრულწლოვანი ოჯახის წევრის მიმართ, ცეცხლსასროლი იარაღის და საბრძოლო მასალის მართლსაწინააღმდეგო ტარება.
  • დანაშაული, სასჯელის სახედ და ზომად 16-დან 20 წლამდე, ან უვადო თავისუფლების აღკვეთას ითვალისწინებს.
  • ბრალდების მხარემ, სისხლის სამართლის საქმე, არსებითი განხილვის მიზნით, თელავის რაიონულ სასამართლოში გააგზავნა.

ბოლო ხაზი: 14 წლის გოგოს განზრახ მკვლელობის საქმეზე, არასრულწლოვნის დედას და ბიძას ბრალდება ქორწინების იძულების და დანაშაულის შეუტყობინებლობის, ხოლო — მძიმე დანაშაულის შეუტყობინებლობის ფაქტზე, მკვლელობაში ბრალდებულის ბიძას და ბიძაშვილს აქვთ წარდგენილი.