მას შემდეგ, რაც ბიონსემ თავისი ალბომის, რენესანსის, ტურის ფილმი დააანონსა, ტრეილერს მოუთმენლად ველოდით და აი, ეს დღეც დადგა! მან ვიდეო სოციალურ ქსელში გაავრცელა.

ფილმის ტრეილერი ბიონსესა და მისი შვილის, რუმის ვიდეოთი იწყება, როდესაც მომღერალი ბავშვს ტელეფონით ვიდეოს ვერტიკალურად გადაღებას ასწავლის. ტრეილერში არამხოლოდ კონცერტის ნაწყვეტებს ვხედავთ, არამედ კადრს მიღმა სცენებსაც, რომელთაც თან ბიონსეს ხმა გასდევს თან.

ვიდეოდან ვიგებთ, რომ ფილმში როგორც თავად ტურს, ასევე, მისი დაგეგმვის პროცესსაც ვიხილავთ — ვნახავთ ბიონსეს ოჯახთან ერთად და გავიგებთ მომღერლის პერსპექტივას როგორც კარიერასა და დროის სვლაზე, ასევე, თუ რა ეტაპზეა ახლა ცხოვრებაში და რა არის მისთვის პრიორიტეტული.

"ჩემს ცხოვრებაში აღარავისთვის აღარაფერი დამრჩა დასამტკიცებელი", — ამბობს პოპვარსკვლავი ვიდეოში.

ფილმი კინოთეატრებში 1 დეკემბერს გამოვა. იხილეთ ტრეილერი: