ცნობილი სამხრეთკორეული ჯგუფის, BTS-ის წევრი, Jungkook ფანებს ჯარში გაწვევის გამო დროებით გამოემშვიდობა. მან პოსტი სოციალურ ქსელში გაავრცელა.

"დეკემბრიდან ახალ მოგზაურობას ვიწყებ. მე დროებით გტოვებთ, რათა ჯარში ვიმსახურო. ეს სიახლე ერთი მხრივ მასევდიანებს, თუმცა პარალელურად, ის ძვირფასი მოგონებები მახსენდება, რომელიც თქვენთან მაკავშირებს და გული მითბება. თითოეული წამი, რომელიც თქვენთან ერთად გავატარე, ჩემი ცხოვრების ნათელი წერტილია.

აქამდე თქვენი მხარდაჭერისა და სიყვარულის წყალობით მოვედი. მადლობა, რომ ჩემს ოცნებას გულშემატკივრობდით და ამ გზაზე ჩემთან ერთად მოდიოდით. ვერ გთხოვთ, რომ დამელოდოთ, რადგან წელიწად-ნახევარი დიდი დროა. თავს გაუფრთხილდით. მიყვარხართ", — წერს მომღერალი.

RM, Jimin, V და Jungkook ჯგუფის ბოლო 4 წევრი იყო, რომლებიც ჯარში აქამდე არ გაუწვევიათ. ჯარში გაწვევის პროცესი ჯინისთვის 2022 წლის დეკემბერში დაიწყო, J-hope-ისთვის 2023 აპრილში, ხოლო Suga-სთვის — 2023 წლის სექტემბერში.

შეგახსენებთ, რომ სამხრეთ კორეაში ყველა შრომისუნარიანი კაცი ვალდებულია, 28 წლამდე 18 თვე ჯარში იმსახუროს. თავიდან კანონი გამონაკლისს ითვალისწინებდა მათთვის, ვინც კულტურისა და ხელოვნების სფეროში წარმატებას მიაღწია. მოგვიანებით კი ცნობილი გახდა, რომ K-pop-ის წევრებს ჯარში მაინც გაიწვევდნენ.

იხილეთ ასევე: