რა ხდება: საგანგებო სიტუაციების მართვის სამსახურის ინფორმაციით, დღეიდან, 20 ნოემბრიდან ამინდი მკვეთრად გაუარესდება.

  • ინფორმაცია მოსახლეობამ უწყებისგან SMS შეტყობინებებით მიიღო.

დეტალები: შეტყობინებაში წერია, რომ მოსალოდნელია ძლიერი ნალექი.

საგანგებო სიტუაციების სამსახური მოსახლეობას სიფრთხილისკენ მოუწოდებს.

  • გარემოს ეროვნული სააგენტოს ინფორმაციით, დღეიდან 22 ნოემბრის ჩათვლით, საქართველოში მოსალოდნელია წვიმა, მაღალმთიან რეგიონებში თოვლი, ზოგან ძლიერი, ქარბუქი, შესაძლებელია თოვლის ზვავები, დასავლეთის მიმართულების ძლიერი ქარი, ზღვაზე 4-5 ბალიანი შტორმი.
  • "მოსალოდნელმა ნალექებმა საქართველოს მდინარეებზე, შესაძლებელია, წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
  • მთიან და მაღალმთიან რეგიონებში მოსალოდნელი დიდთოვლობის, ზვავსაშიშრიების, ქარბუქისა და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა", — წერია გარემოს დაცვის ეროვნული სააგენტოს მიერ გავრცელებულ განცხადებაში.