რა ხდება: არასამთავრობო ორგანიზაცია საზოგადოება და ბანკები მოსახლეობას გააქტიურებული კიბერთაღლითების შესახებ აფრთხილებს.

დეტალები: მათი ინფორმაციით, თაღლითებმა შეიმუშავეს ახალი სქემა:

  • ამჯერად, Whatsapp-ის, Viber-ის ან sms-ის საშუალებით უგზავნიან მომხმარებელს გზავნილს და ატყობინებენ, თითქოს, მან მოიგო გარკვეული თანხა გათამაშებაში, რისთვისაც უნდა გადავიდნენ ბმულზე;
  • ბმულზე გადასვლის შემთხვევაში, არის მაღალი რისკი იმის, რომ მომხმარებლის პირადი საბანკო ინფორმაცია მოიპოვონ თაღლითებმა და დაეუფლონ მის კუთვნილ თანხას.

საზოგადოება და ბანკების რჩევები, რომლის გათვალისწინება კიბერთაღლითებისგან დაგვიცავს:

  • დააკვირდით გამომგზავნის დასახელებას და ბმულის მისამართს;
  • დარწმუნდით, რომ სწორად არის მითითებული გამომგზავნი ბანკის დასახელება და ვებგვერდის მისამართი;
  • არ გადახვიდეთ და არ შეიყვანოთ თქვენი საბანკო ინფორმაცია და პაროლი საეჭვო ბმულებზე;

თუ შემთხვევით გადახვედით ბმულზე, არ დააჭიროთ გამოსულ ფანჯარას. თუ შენიშნეთ, რომ თქვენი საბანკო მონაცემები საეჭვო გვერდზე შეიყვანეთ, დაუყოვნებლივ:

  • დაბლოკეთ ბარათი ციფრული ბანკიდან;
  • განაახლეთ user-ი და პაროლი;
  • დაუკავშირდით თქვენს ბანკს.