რა ხდება: On.ge-ს უწყებიდან აცნობეს, რომ საქართველოს საგარეო საქმეთა სამინისტრო ღია წყაროებზე დაყრდნობით ინფორმირებულია უკრაინაში მებრძოლი საქართველოს ორი მოქალაქის გ.გ. და გ.შ. რუსეთის ფედერაციის შეიარაღებული ძალების მიერ სამხედრო მოქმედებებისას ტყვედ აყვანის შესახებ.

რას აპირებს უწყება: სამინისტროს მიხედვით, ქართული მხარე გამოიყენებს მის ხელთ არსებულ ყველა საერთაშორისო მექანიზმს, მათ შორის წითელი ჯვრის საერთაშორისო ორგანიზაციას და შვეიცარიის კონფედერაციას, როგორც საქართველოსა და რუსეთის ფედერაციას შორის მედიატორს, საქართველოს მოქალაქეების კონსტიტუციით გარანტირებული უფლებების დასაცავად.

რა ვიცით ტყვეების შესახებ: გუშინ, 14 ნოემბერს, რუსულმა პროპაგანდისტულმა მედიამ, რუსეთის საგარეო საქმეთა სამინისტროზე დაყრდნობით გაავრცელა ცნობა, რომ უკრაინაში საქართველოს ორი მოქალაქე აიყვანეს ტყვედ. პროპაგანდისტებმა მათი დაკითხვის კადრებიც გააცრცელეს.

  • გავრცელებული ინფორმაციით, ტყვეობაში მყოფი საქართველოს მოქალაქეები უკრაინის შეიარაღებული ძალების უცხოურ ლეგიონში მსახურობდნენ.

ბოლო ხაზი: On.ge-ს ინფორმაციით, ისინი არ არიან უკრაინაში მებრძოლი "ქართული ლეგიონის" წევრები და არ აქვთ კავშირი "ქართულ ლეგიონთან".