რა ხდება: 17 წლის უკრაინელი ბიჭს, რომელიც უკრაინის ტერიტორიიდან რუსეთში გადაიყვანეს, აცნობეს, რომ მას შემდეგ, რაც 18 წლის შესრულდებოდა, უნდა გამოცხადებულიყო სამხედრო განყოფილებაში და ემსახურა რუსულ არმიაში.

  • ბოჰდან იერმოხინი უკრაინის ქალაქ მარიუპოლიდან არის. მან მარტში სცადა, სამშობლოში დაბრუნებულიყო, თუმცა რუსმა მესაზღვრეებმა არ გაუშვეს.
  • იერმოხინი მალე 18 წლის გახდება და დეკემბერში რუსულ არმიაში ელოდებიან.
  • თუმცა, მას შემდეგ, რაც მისი საქმე საჯაროდ გახდა ცნობილი და მისმა ადვოკატმა პრეზიდენტ ვოლოდიმირ ზელენსკის მიმართა დახმარებისთვის, როგორც ჩანს, რუსეთმა აზრი შეიცვალა.
  • რუსეთის ბავშვთა ომბუდსმენმა, მარია ლვოვა-ბელოვამ განაცხადა, რომ ბიჭს მალე მესამე ქვეყანაში გადაიყვანენ, სადაც ის ბიძაშვილს შეხვდება. ინფორმაცია დაადასტურა უკრაინამაც.

იერმოხინის ამბავი: ბოგდან იერმოხინს 2014 წელს ორივე მშობელი დაეღუპა და უკრაინაში რუსეთის შეჭრამდე, მიმღებ ოჯახთან ცხოვრობდა საპორტო ქალაქ მარიუპოლში. 2021 წელს მისი კანონიერი მეურვე გახდა ტექნიკური კოლეჯის დირექტორი, სადაც ბიჭი სწავლობდა.

  • 2022 წელს, როდესაც მარიუპოლი რუსულმა ჯარმა აიღო, იერმოხინი რუსეთში აღმოჩნდა. უცნობია დეტალები, თუ როგორ წაიყვანეს ის ოკუპანტ ქვეყანაში.

ბოლო ხაზი: რუსეთმა უკრაინიდან ათასობით ბავშვი იძულებით წაიყვანა. უკრაინის მიერ გამოქვეყნებული სიის მიხედვით, ასეთი ბავშვების რაოდენობა, თითქმის, 20 000-ს აღწევს.