ამის შესახებ საქართველოს პარლამენტის თავმჯდომარემ, შალვა პაპუაშვილმა საფინანსო-საბიუჯეტო კომიტეტზე განაცხადა.

  • კომიტეტმა მხარი დაუჭირა პარლამენტის რეგლამენტში შესატანი ცვლილებების პლენარულ სხდომაზე განხილვას. ცვლილებების ძირითადი ნაწილი, მომდევნო მოწვევის დეპუტატებისთვის ხელფასის გაზრდას გულისხმობს.

დეტალები: პაპუაშვილმა კომიტეტს "ერთჯერადი გადახდის წესის შესაბამისობაში მოყვანა" შესთავაზა.

  • კერძოდ: თავდასხმის შედეგად პარლამენტის წევრის გარდაცვალებისას გარდაცვლილის ოჯახს მიეცემა ერთჯერადი ფულადი დახმარება 20 000 ლარის ოდენობით, ნაცვლად 15 000 ლარისა;
  • პარლამენტის წევრის გარდაცვალებისას გარდაცვლილის ოჯახს გადაეცემა ერთჯერადი ფულადი დახმარება 15 000 ლარი, 10 000 ლარის ნაცვლად.
  • და პარლამენტის წევრს, რომელიც უფლებამოსილების განხორციელების პერიოდში აღიარებულ იქნება შეზღუდული შესაძლებლობის მქონე პირად, გადაეცემა ერთჯერადი დახმარება 15 000 ლარის ოდენობით, 10 000 ლარის ნაცვლად.

ბოლო ხაზი: რეგლამენტში შესატანი ცვლილებებით, მომდევნო მოწვევის დეპუტატების ხელფასი 8 000, ან 10 000 ლარამდე იზრდება.