ეს მასალა განახლებადია

მოკლედ: თბილისის საქალაქო სასამართლოში ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს.

რა თქვა სააკაშვილმა:

• "დღევანდელ სასამართლოსთან პირდაპირ კავშირშია ის, რომ ვლადიმერ პუტინმა, დსთ-ს ნარჩენების სხდომაზე, დამადანაშაულა, რომ დსთ მე დავუშალე. მე ვამაყობ იმით, რომ ამაში მართლაც მიმიძღვის ამაში წვლილი და ეს პირდაპირ უკავშირდებოდა იმ მოვლენებს, იმ პერიოდს რომელსაც თქვენ არჩევთ ამ სისხლის სამართლის ე.წ საქმის განხილვისას.
• იცით, რომ ვლადიმერ პუტინი არის საქართველოს დაუძინებელი მტერი, საქართველოს ტერიტორიის დამპყრობელი და მისი მხრიდან ჩემი ასეთი პირდაპირი დადანაშაულება, კონკრეტულად მიუთითებს თუ ვისი მითითებით არის ეს საქმე აღძრული.
• მაშინდელი მთავარი პროკურორი, ახლა არის სანქცირებული, როგორც ფსბ-ს აგენტი და ყველაფერი გასაგებია, თუკი ვინმეს რაიმეს გაგება უნდა."
• "ყველაფერი, რაც ხდება საქართველოს თავს, არის ოკუპაციის გაგრძელება, დიდი უსამართლობა ჩემი ხალხის მიმართ, ყველაფერ იმის მიმართ, რაც საქართველომ დაიმსახურა ათწლეულების ბრძოლით."
• "თითქოს, უკვე სადღაც მივდიოდით და გამოგვარიდეს ხალიჩა ფეხქვეშ, ისევ უნდათ, წაქცეულები ვიყოთ. აუცილებლად წამოვდგებით, აუცილებლად ვიქნებით მაგრად, მეც ვიქნები მაგრად მტრის ჯინაზე."
• "ბოლომდე ვარ ამ ბრძოლაში, ფეხს არ მოვიცვლი ამ ბრძოლიდან, მე ვარ თქვენს შორის, სადაც არ უნდა იყოს — სადაც არ უნდა ჩამსვან, 500 გისოსი მიმამაგრონ, ხომ იცით, ეს ყველაფერი არის პირობითი, საქართველო აუცილებლად გათავისუფლებს თავს და საქართველო აუცილებლად დადგება ფეხზე."

• "დღეს არის ელექტრონული სისტემა, რომელიც თავიდან ბოლომდე არის გათვლილი გაყალბებაზე. დარეკავს ის კაცი შუშის სასახლიდან, უბრძანებს თამარ ჟვანიას და დაწერენ იმ ციფრს, რომელიც მათ უნდათ. ჩვენ უნდა შევაცვლევინოთ ეს სისტემა, ყველამ ერთად უნდა ვიბრძოლოთ.

• ასევე უცხოეთში მყოფ ქართველებს მინდა მოვუწოდო, ათჯერ მეტი უნდა მივიდეთ ამ არჩევნებზე, უნდა ვაიძულოთ მთავრობა, გახსნას ბევრი საარჩევნო პუნქტი, უნდა მივმართოთ ევროკავშირს, გახსნას ისევ პუნქტები, როგორც იყო თავის დროზე გახსნილი პოლონეთში, გერმანიაში და ა.შ."

• უნდა მივაღწიოთ იმას, რომ რუსები აღარ შემოდიოდნენ საქართველოში, ვისაც აქვს ბინები, უნდა გავაყიდინოთ 1 წლის განმავლობაში და სახელმწიფო პროგრამა უნდა იყოს ქართველების დაბრუნების საქართველოში, მათ შორის, ამ ბინების გადაცემის იმ ქართველებისადმი, ვინც დაბრუნდება.

• უნდა მივაღწიოთ იმას, რომ რუსები აღარ შემოდიოდნენ საქართველოში, ვისაც აქვს ბინები, უნდა გავაყიდინოთ 1 წლის განმავლობაში და სახელმწიფო პროგრამა უნდა იყოს ქართველების დაბრუნების საქართველოში, მათ შორის, ამ ბინების გადაცემის იმ ქართველებისადმი, ვინც დაბრუნდება.

• 100 ათას რუსს, რომელიც ზედმეტია საქართველოში, უნდა შევუქმნათ ეკონომიკური ბერკეტები იმისთვის, რომ წავიდნენ და ჩანაცვლდნენ 100 ათასი შრომისუნარიანი, ნიჭიერი ქართველით, რომელიც ჩამოვა უკან და შემდეგ ჩამოვა კიდევ რამდენიმე ასეული ათასი.

• ჩვენი პროგრამა არის ქართველების დაბრუნების, საქართველოს დექართველიზაციის პროცესის შეჩერების."