რა ხდება: მეინის შტატში, ქალაქ ლუისტონში შეიარაღებულმა პირმა რესტორანსა და ბოულინგ-კლუბში ცეცხლი გახსნა, შედეგად, სულ მცირე, 22 ადამიანი დაიღუპა.

  • არის 60-მდე დაშავებული.
  • დამნაშავეს პოლიცია მთელი შტატის მასშტაბით ეძებს.

ვინ არის თავდამსხმელი: ლუისტონის პოლიციის ინფორმაციით, შეიარაღებული კაცი 40 წლის რობერდ კარდია, რომელიც ცეცხლსასროლი იარაღიდან სროლის სერტიფიცირებული ინსტრუქტორია და ირიცხება აშშ-ის არმიის რეზერვში.

  • ამასთან, CNN წერს, რომ კარდს მენტალური პრობლემები აქვს, მას "ხმები ესმის".
  • პოლიცია მოსახლეობას აფრთხილებს, რომ დარჩნენ უსაფრთხო ადგილას, რადგან კარდი შეიარაღებული და საშიშია.

განახლება: CNN ადგილობრივ ხელისუფლებაზე დაყრდნობით წერდა, რომ დაღუპულების რიცხვი 22 იყო, თუმცა ინფორმაცია, ჯერჯერობით არ დასტურდება.

  • ვარაუდობენ, რომ სროლის შედეგად 16-დან 22 ადამიანამდეა მოკლული.