რა ხდება? კონსტანტინე მორგოშია — პრორუსული, ძალადობრივი და ჰომოფობიური მოძრაობის დამფუძნებელი, "ანტი-მაიდანის საბჭოს" შეხვედრას მართავს, სადაც სუს-ის მიერ დაანონსებულ სცენარებზე იმსჯელებენ.

  • ამის შესახებ პრორუსმა მორგოშიამ მედიას უთხრა.

დამატებით: ტვ პირველი წერს, რომ მიწვეულთა შორის არიან:

  • ნანა კაკაბაძე,
  • ხათუნა ხოფერია,
  • მაია ნიკოლაიშვილი და ხელისუფლების სხვა მხარდაჭერები.
  • "ოცნების" ძველ სახეებსაც ელოდებიან", — იუწყება ტელევიზია.
  • პრორუსების შეხვედრას ესწრება ფრიდონ ინჯია, პარლამენტის დეპუტატი ევროპელი სოციალისტებიდან.

კონტექსტი: 18 სექტემბერს, სახელმწიფო უსაფრთხოების სამსახურმა განაცხადა, თითქოს, ქვეყნის შიგნით და ქვეყნის ფარგლებს გარეთ მოქმედი "გარკვეული ჯგუფი" დესტაბილიზაციას, არეულობას და ტერორისტულ აქტს გეგმავს, ხელისუფლების ძალადობრივი გზით შესაცვლელად.

  • სუს-მა ისაუბრა ბარიკადების და კარვების ქალაქის მოწყობის გეგმაზე, შესაძლო აფეთქებაზე და ევრომაიდნის სცენარის განვითარების მცდელობაზე.

რატომ არის მნიშვნელოვანი: ალტ-ინფო პრორუსული, ანტიდასავლური, ძალადობრივი დაჯგუფებაა.

  • ჯგუფი გამუდმებით აჟღერებს ანტიდასავლურ გზავნილებს, ასევე პრორუსულ ნარატივებსაც, რომლებიც ხშირად კრემლის სტრატეგიულ გზავნილებთან თანხვედრაშია.
  • სწორედ ამ ჯგუფებმა დააორგანიზეს ძალადობა, დაარბიეს აქტივისტების ოფისები, იძალადეს 50-ზე მეტ ჟურნალისტზე — 5 ივლისს ნაცემი ოპერატორი ლექსო ლაშქარავა გარდაიცვალა.
  • TI-ს ანგარიშით, 2022 წლის ბოლო სამ თვეში ყველაზე მეტი თანხა ქართული ოცნების შემდეგ, პრორუსულ ალტ-ინფოს შესწირეს.
  • მათი ძალადობრივი იდეები ვრცელდება მათივე ტელევიზიითა და სხვა პროპაგანდისტული არხებით სოციალურ ქსელებში.