ცოტა ხნის წინ კევინ სპეისი საავადმყოფოში გადაიყვანეს, რადგან მსახიობს მარცხენა ხელი უეცრად დაუბუჟდა, შემდეგ კი რამდენიმე წამით ხელს საერთოდ ვერ გრძნობდა. მსახიობი ამ დროს ტაშკენტის საერთაშორისო კინოფესტივალზე იმყოფებოდა, გულის შეტევის საშიშროების გამო კი იქიდან საავადმყოფოში წაიყვანეს.

საავადმყოფოში კევინ სპეისის MRI სკანირება ჩაუტარდა და დადგინდა, რომ გულის შეტევის საშიშროება არ არსებობდა. ინციდენტიდან მალევე კევინ სპეისი ფესტივალზე დაბრუნდა, მაყურებლებს შეატყობინა, რომ მისი ჯანმრთელობის მდგომარეობა სტაბილური იყო და სიტყვითაც მიმართა: "დღევანდელმა საღამომ დამაფიქრა იმაზე, თუ რამდენად ხანმოკლეა სიცოცხლე თითოეული ჩვენგანისთვის", — განაცხადა მსახიობმა.

სიტყვით მიმართვისას მსახიობმა თავისი ჯანმრთელობის შესახებაც ისაუბრა. კევინ სპეისიმ აღნიშნა, რომ ხელის გაჩერებამ ძალიან შეაშინა და მის გვერდით მყოფ ადამიანებს მაშინვე სთხოვა, სასწრაფოდ საავადმყოფოში გადაეყვანათ.

"მთელი დღე საავადმყოფოში გავატარე, სხვადასხვა სახის გამოკვლევები ჩამიტარეს, პერსონალი ჩემზე ზრუნავდა და ბოლოს MRI-იც გადავიღე. ყველაფერი ნორმალურად დასრულდა და მადლობელი ვარ, რომ უფრო სერიოზული არაფერი მომხდარა", — დასძინა კევინ სპეისიმ.