რა მოხდა: ეთნიკურად აზერბაიჯანელი სამოქალაქო აქტივისტი, სამირა ბაირამოვა წერს, რომ თბილისში სახლის კედელი და კარი დაზიანებული დახვდა.

  • აქტივისტი ამბობს, რომ კარზე კამპანიის შინ ევროპისკენ და ქალთა ძალის სიმბოლიკა გადაღებეს.
  • კადრებში ჩანს, რომ იქვე შავი ჯვარი დახატეს და კედელზე რუსეთის დროშის იმიტაცია სცადეს.
  • ბაირამოვა ამბობს, რომ დროშის ადგილას იყო ლოგო "გახსოვდეს აგვისტოს ომი".
  • "თქვენ იდიოტებო გულში ატარეთ ეს დროშა. მინიმუმ არა უკულტურობაა და არაჰუმანირობა რელიიგის ასეთი ფორმით დამცირება, თქვენთვის კი ეს მანიპულაციის იარაღია. მე ხელს არ მშლის არც ერთი რელიგიური სიმბოლიკა", — წერს ბაირამოვა.
  • აქტივისტი აღნიშნავს, რომ მარნეულიდან თბილისში უსაფრთხოების გამო გადავიდა და სახლი იმისთვის ერთადერთი ადგილი იყო, სადაც თავს დაცულად გრძნობდა.
  • იმის გასარკვევად, დაიწყო თუ არა გამოძიება, On.ge შსს-ს დაუკავირდა და მათ პასუხს ელოდება.

არქივიდან: სამირა ბაირამოვა არაერთხელ გამხდარა პრორუსული ძალადობრივი ჯგუფებისა და ხელისუფლების წარმომადგენლების სამიზნე.

  • 2022 წლის აპრილში მან მარნეულში ძალადობრივი და კრემლისტური დაჯგუფების, ალტინფოს ოფისზე ანტიოკუპაციური სტიკერები გააკრა, რასაც მის მიმართ ძალადობის და სიცოცხლის მოსპობის მუქარა მოჰყვა.
  • მაშინ პროკურატურამ ბაირამოვა დაზარალებულად ცნო და დაცვის სპეციალურ პროგრამაში ჩართო.
  • ამავე წლის ივლისში, #შინევროპისკენ კამპანიისას, როცა აქტივისტი მარნეულის ბაზარში ბუკლეტებს არიგებდა, მას საჯარო მოხელეები თავს დაესხნენ.
  • ისინი სიტყვიერი შეურაცხყოფას აყენებდნენ ბაირამოვას და სახელისუფლებო მესიჯბოქსებით ლანძღავდნენ.