კვირას მექსიკაში სქესის გაგების ცერემონიისთვის წყვილმა თვითმფრინავი დაიქირავა, რომელიც გადაფრენისას ჩამოვარდა და პილოტი გარდაიცვალა.

სოციალურ ქსელში გავრცელებულ ვიდეოში ჩანს, რომ თვითმფრინავმა წყვილის თავზე გადაიფრინა და თან ვარდისფერი ბოლი გამოუშვა, რითაც მათ გოგო შვილზე ორსულობა აცნობა, თუმცა რამდენიმე წამში თვითმფრინავი ამოტრიალდა და ჩამოვარდა.

CNN-ის ინფორმაციით, პილოტი საავადმყოფოში გადაიყვანეს, თუმცა ვერ გადაარჩინეს და იქ დაიღუპა. ჯერჯერობით პილოტის ვინაობა და თვითმფრინავის ჩამოვარდნის მიზეზი უცნობია. როგორც ცნობილია, უბედური შემთხვევის შედეგად სხვა არავინ დაშავებულა.