რატომ არის მნიშვნელოვანი: უკრაინის თავდაცვის სამინისტროს მთავარი სამმართველოს ოფიციალური წარმომადგენლის, ანდრეი იუსოვის განცხადებით, უკრაინის დაზვერვის პირადი შემადგენლობა რუსეთის მიერ ანექსირებულ ნახევარკუნძულზე 24 აგვისტოს გადასხეს, სადაც ბრძოლა გაიმართა.

  • ადგილობრივი მოსახლეობა და სადაზვერვო წყაროები იტყობინებიან, რომ სამხედრო დაპირისპირებაში მცურავი საშუალებები და ავიაცია მონაწილეობდა.

დეტალები: ანდრეი იუსოვის განცხადებით, სპეცოპერაციის მიზნები მიღწეულია.

  • "სპეცოპერაციის ფარგლებში პირადი შემადგენლობა ყირიმის ნახევარკუნძულზე იმყოფებოდა. ეს სპეცოპერაცია დაზვერვის მთავარმა სამმართველომ და სამხედრო-საზღვაო ფლოტის წარმომადგენლებმა ერთობლივად ჩაატარეს. დანაკარგი არ არის. სპეცოპერაცია გრძელდება. ყველა დეტალს არ გავამხელთ. მტერს აქვს დანაკარგი", — თქვა მან.
  • ტელეგრამ არხი Baza წერს, რომ იყო ხმამაღალი სროლები, რომლებიც ისმოდა ილენოვკაში მდებარე ბანაკში, მაიაკის მახლობლად.
  • "როცა ხალხი გარეთ გამოვიდა, ნაპირიდან 10 მეტრში დაინახეს ორი რეზინის ნავი, რომელშიც, დაახლოებით, 10 ადამიანი იმყოფებოდა. შემდეგ კიდევ რამდენიმე გასროლა მოხდა, მაგრამ ამჯერად ავტომატური იარაღიდან. ნავებში მყოფი ხალხი წავიდა".