დღეს, 2 ივლისს, ამერიკის პრეზიდენტმა დონალდ ტრამპმა ტვიტერზე მოდელირებული ვიდეო გამოაქვეყნა, რომელშიც ჩანს, რომ ის ურტყამს კაცს, რომელსაც სახეზე CNN-ის ლოგო აქვს მიმაგრებული.

ტელეკომპანია CNN პრეზიდენტის ტვიტს განცხადებით გამოეხმაურა, რომელსაც On.ge უცვლელად გთავაზობთ.

"ეს ის სევდიანი დღეა, როდესაც ამერიკის შეერთებული შტატების პრეზიდენტმა რეპორტიორების წინააღმდეგ ძალადობა წაახალისა. აშკარაა, რომ სარა სანდერსმა [თეთრი სახლის პრესმდივანი] იცრუა, როდესაც თქვა, რომ პრეზიდენტს ეს არასდროს გაუკეთებია. იმის მაგივრად, რომ ის ემზადებოდეს საზღვარგარეთ ვიზიტისთვის, ვლადიმერ პუტინთან შესახვედრად, ჩრდილოეთ კორეის საკითხის მოსაგვარებლად ან ჯანდაცვის კანონპროექტი მოამზადოს, ის მოუმწიფებელი ქმედებებითაა დაკავებული, რომლითაც თავის ინსტიტუტს ღირსებას ართმევს. ჩვენ გავაგრძელებთ ჩვენი საქმის კეთებას. მან კი თავისი საქმის კეთება უნდა დაიწყოს".

სარა სანდერსმა გასულ კვირას თქვა, რომ ტრამპს არანაირი გზით და არასდროს წაუხალისებია ძალადობა და ის ყოველთვის "პირიქით იქცევა".