ამერიკის პრეზიდენტმა დონალდ ტრამპმა კვირას, 2 ივლისს, ტვიტერზე მოდიფიცირებული ვიდეო გამოაქვეყნა, რომელშიც ის CNN-ს თავს ესხმის და ფიზიკურად უსწორდება.

დამონტაჟებულ ვიდეოში, პიროვნებას, რომელსაც ტრამპი თავს ესხმის, თავზე CNN-ის ლოგო აქვს მიმონტაჟებული.

ვიდეო WrestleMania 23-დანაა და 2007 წელსაა გადაღებული, როდესაც ტრამპი "მილიარდელთა ორთაბრძოლაში" WWE-ის ხელმძღვანელის, ვინს მაკმეიჰონის წინააღმდეგ გამოდიოდა. შოუში ისინი ირჩევდნენ მოჭიდავეს, რომლებიც მათი სახელებით იბრძოდნენ.

გუშინ ტრამპმა ასევე დაწერა, რომ ფიქრობს, CNN-ს ყალბი მედია გამოცემის ნაცვლად, თაღლითი მედია გამოცემა ხომ არ დაარქვას.

დონალ ტრამპი ამერიკის შეერთებული შტატების პრეზიდენტად ყოფნის პირველ 100 დღეზე როიტერსთან ინტერვიუში 28 აპრილს საუბრობდა, როდესაც თქვა, რომ მას თავისი ძველი ცხოვრება და თავისუფლება ენატრება.

ტრამპის ტვიტს უკვე გამოეხმაურა CNN. "პრეზიდენტის ბოლო ტვიტი რეპორტიორების წინააღმდეგ ძალადობას ახალისებს" - ნათქვამია ტელეკომპანიის განცხადებაში.