ახალი ამბები On.ge

მარიამ ბერიანიძე

14 Aug. 2023, 15:15

როცა გგონია, რომ ამაზე მეტი ფსკერი რა უნდა მოხდეს, მაგრამ ყოველ ჯერზე ცდები. ბატონო ირაკლი, 11 დღის განმავლობაში ერთხელ რომ დაინტერესებულიყავით გადარჩენილების მდგომარეობით და მომხდარით, იქნებ გაგეგოთ, რომ ტალღა რომელმაც დაგვარტყა 20-სანტიმეტრიანი კი არა 3-მეტრიანი იყო. მეწყერის ამ ტალღამ კიდევ რამდენიმე მეტრი გვათრია. ტალახის კიდეზე კი არა მეწყერის შუაგულში ვიყავით და დიაააახხხ 3 საათი!!! 3 საათი ვითხოვდით შველას, ვეფლობოდით მეწყერის 4 მეტრამდე ტალახში და განწირულები ვითხოვდით შველას, იქნებ 112-ის ჩანაწერები მაინც შეამოწმოთ ჩვენი თუ არ გჯერათ.

ან იქნებ სტიქიის ეპიცენტრიდან გადაღებულ ფოტოებს გაეცნოთ, ერთი ვიდეო მეც მაქვს და გამოგიგზავნით. იქნებ დამანახოთ, სად არის ის ნაპირი, სადაც ჩვენ გავიჭედეთ, მე კი დაგანახებთ მეწყერის ცენტრალურ ნაწილში გაჭედილ 16 ადამიანს! იმ ადგილზე ვიყავით გაჭედილები, რომლის გაწმენდა დღეისთვის არ მომხდარა, რადგან მეწყერის ყველაზე დიდი ნაწილი მანდაა ჩამოტანილი და მაშველებისთვისაც საშიში ზონაა! ჩვენ გადაგვიარა მეწყერმა და გადავრჩით. თურმე შესაძლებელი ყოფილა გადარჩენაც, მაგრამ ამის აღიარება არა! მთლიანად სირცხვილია ეს ბრიფინგი! სირცხვილია თქვენი გულგრილობა, სირცხვილია ეს ქვეყანა! #ჩემიქვეყანამკლავს!

შოვის ტრაგედიის შემდეგ, კრიტიკის პასუხად ქართული ოცნება ცდილობს დაამტკიცოს, თითქოს დაგვიანებული რეაგირება არ ჰქონია და ყველა უწყებამ შესაბამისად იმუშავა. ამიტომ, ხან ვერტმფრენის 3 საათის შემდეგ ჩასვლას ამართლებენ, ხან იმას ამბობენ, რომ ღამე აფრენა არ გარისკეს, რადგან ამის საჭიროება არ იყო. დღეს კი პარტიის თავმჯდომარემ გადაწყვიტა, ეჭვქვეშ დაეყენებინა გადარჩენილების მონათხრობი იმის შესახებ, რომ სტიქიის ზონაში ღვარცოფს რამდენიმე საათი ებრძოდნენ და დიდი ტერიტორიის გადალახვა მოუწიათ. სწორედ ამას ეხმაურებიან გადარჩენილი მოქალაქეები. 

0 0

კომენტარები

კვირის ტოპ-5

  1. 17 იანვარს თბილისში თოვლია მოსალოდნელი — როგორი ამინდი იქნება საქართველოში 18 იანვრამდე?
  2. აშშ-ში 22 წლის ქართველ ბიჭს ეძებენ, რომელიც ახალი წლის ღამეს ხალხში მანქანით შევარდა
  3. რუსული მედია: აშშ-ს მიერ დაკავებული რუსული ტანკერის ეკიპაჟის 6 წევრი, მათ შორის კაპიტანი ქართველია
  4. "არ ესმით [შვილებს] რატომ უნდა დაიჭირონ მამა, რომელსაც ქვეყნისთვის კარგის მეტი არაფერი უკეთებია" — მარიამ თამაზაშვილი ირაკლი ღარიბაშვილის დაკავებაზე
  5. ირაკლი ზარქუა: ცდილობთ, ხან ხელოვნური ინტელექტით, ხან ფოტოშოპით რაღაც სიგიჟე ფოტოები და ვიდეოები დადოთ ჩემზე და შავი პიარი ამიგოროთ (ვიდეო)

გირჩევთ

ახლა კითხულობენ

გადახედვა

50-წლიანი საიდუმლო ამოხსნილია: აი, როგორ ერთვება "სიკვდილის მექანიზმი" ქსოვილების აღდგენაში

ქსოვილის სერიოზული დაზიანებისას ცოცხლად დარჩენილ უჯრედებში ინტენსიური პროცესი აქტიურდება — ისინი ე. წ.…