აშშ-ის პოლიცია ეძებს ქურდს, რომელიც ველოსიპედების მოსაპარად ავტოფარეხში შეიპარა და იქვე მყოფ ცუგას თამაში დაუწყო. გავრცელებულ ვიდეოში ჩანს, რომ ახალგაზრდა კაცი ერთ-ერთის ველოსიპედის წაყვანას ცდილობს. ამ დროს ქურდი ცუგას დაინახავს და მასთან თამაშს დაიწყებს.

"სან-დიეგოს პოლიციის დეპარტამენტს ქურდობაში ეჭვმიტანილის იდენტიფიცირებაში თქვენი დახმარება სჭირდება. 2023 წლის 15 ივლისს, 22:40 საათზე, უცნობი ეჭვმიტანილი კაცი წყნარი ოკეანის სანაპირო რაიონის ერთ-ერთი ავტოფარეხში შევიდა და 1300 დოლარის ღირებულების ველოსიპედი მოიპარა", — ნათქვამია პოლიციის განცხადებაში.

მართალია, პოლიციამ ფეისბუქის მომხმარებლებს დახმარება სთხოვა, თუმცა კომენტარების უმეტესობა ცუგასა და ქურდის თამაშის შესახებაა. სოციალური ქსელის მომხმარებლებმა აღნიშნეს, რომ ცუგა ისეთი საყვარელია, მასთან თამაში ყველას მოუნდებოდა.

ვიდეოს ბოლოს ვხედავთ, რომ ქურდი ველოსიპედთან ერთად მიდის, ცუგა კი დგას და უყურებს.