რატომ არის მნიშვნელოვანი: 3 აგვისტოს შოვში მეწყერი ჩამოწვა, რასაც მსხვერპლი მოჰყვა, სამაშველო სამუშაოები კი ამ დრომდე გრძელდება.

  • რაჭაში განვითარებული მოვლენების შემდეგ, სოციალურ ქსელში ჯუთასკენ მიმავალი გზის არაერთი კადრი გავრცელდა.
  • მოქალაქეები წერენ, რომ ამ გზაზე გადაადგილება როგორც ტრანსპორტით, ასევე ფეხით ძალიან საშიშია.

დეტალები: ამ კადრების გავრცელებას განცხადებით გამოეხმაურა საავტომობილო გზების დეპარტამენტი.

  • განცხადებაში აღნიშნულია, რომ ჯუთას გზაზე გამაგრებითი სამუშაოებისათვის მობილიზაცია დაწყებულია.
  • მათივე ინფორმაციით, კვლევების შედეგად გამოიკვეთა სამი დაზიანებული და ერთი მეწყრული ადგილი.
  • დეპარტამენტის ინფორმაციით, სამშენებლო სამუშაოები მომდევნო კვირიდან დაიწყება, რთული რელიეფიდან გამომდინარე კი გადაადგილება დროებით შეიზღუდება.