მის კომენტარს პროპაგანდისტული Tass ავრცელებს.

რატომ არის მნიშვნელოვანი: რუსი პროპაგანდისტებით დატვირთულ ბათუმის პორტში ჩამომდგარ გემს, Astoria Grande-სა და მის მგზავრებს, რომელიც მოქალაქეებმა პროტესტის ფონზე და იძი ნახ*ის ძახილით გააძევეს, ახალი მიმართულება გამოუჩნდა.

  • მათ "თბილი დახვედრა" ოკუპირებული აფხაზეთის დე ფაქტო პრეზიდენტმა, ასლან ბჟანიამ შესთავაზა.
  • ბჟანია ამბობს, რომ "რესპუბლიკა დაინტერესებულია ტურისტული მომსახურების გაფართოებით".
  • მისივე თქმით, გეოგრაფიული შესაძლებლობების გათვალისწინებით, ლაინერების მომსახურებას "განსაკუთრებით პერსპექტიულად" განიხილავენ.
  • ბჟანია მტრულ ქვემედებებად აფასებს იმას, რომ ოკუპანტი ქვეყნიდან მოსულებს საქართველოში აქციით დახვდნენ.
  • როგორც ის ამბობს, სოხუმის ნავსადგური Astoria Grande-ს ტიპის გემების მისაღებად ტექნიკურად ზად არის.

დეტალები: 31 ივლისს პოლიციამ რუსული კრუიზის საქართველოში შემოსვლის წინააღმდეგ გამართულ აქციაზე 23 პირი დააკავა — კადრებში ჩანდა, რომ პოლიციელები პროტესტის მონაწილეებს ძალის გამოყენებით აკავებდნენ, ხოლო რუს მგზავრებს, როგორც პორტის ტერიტორიაზე, ასევე, გემს შიგნითაც, გამალებით იცავდნენ.

  • მოქალაქეები პოლიციელების მხრიდან დაკავების მომენტში და შემდეგ ძალის გადამეტებაზე საუბრობენ.
  • სპეციალურმა საგამოძიებო სამსახურმა გუშინ, პირველ აგვისტოს პოლიციელების მხრიდან შესაძლო ძალის გადამეტების საქმეზე გამოძიება დაიწყო.
  • საგამოძიებოს განცხადებით, ამას საფუძვლად სახალხო დამცველის აპარატიდან და შსს-ს დროებითი მოთავსების იზოლატორიდან შემოსული შეტყობინებები დაედო.