ხვალ, 1 ივლისს, მთაწმინდის პარკში eZo Live-ის მესამე ღონისძიება ჩატარდება. ის 16:00 სთ.-ზე დაიწყება და ღამის თორმეტ საათამდე გაგრძელდება. ხვალინდელ ღონისძიებაზე მსმენელის წინაშე ცნობილი ქართველი მუსიკოსები წარსდგებიან.

ხვალინდელი Line-up ასეთია:

  • გია ხადური (Music Selection)
  • Kundalini
  • ერეკლე დეისაძე
  • ეკო & Vinda Folio

EZO LIVE ფესტივალისთვის ახალი გამოწვევაა, რომელიც პატარა სცენებზე კონცერტების ჩატარებას გულისხმობს.

ორგანიზატორები ფიქრობენ, რომ ფესტივალის ამ ნაწილს განსაკუთრებული მნიშვნელობა აქვს.

"ვფიქრობთ, რომ EZO Live-ის ფარგლებში ფესტივალი საშუალებას მისცემს ქართველ არტისტებს და მსმენელებს, რომ უკეთ გაიცნონ ერთმანეთი და დამუხტონ ერთმანეთი საჭირო ენერგიებით. რაც საბოლოო ჯამში პოზიტიურ ძვრებს გამოიწვევს მუსიკისა და ხელოვნების მოყვარულებისთვის და არა მხოლოდ" - ამბობს ორგანიზატორი.

eZo Festival აგვისტოში შესვენებას აიღებს, სექტემბრიდან კი ღონისძიებები კვლავ გაგრძელდება.

შეგახსენებთ, რომ eZo Live-ის ხვალინდელი ღონისძიება 16:00 საათზე დაიწყება. ბილეთები იყიდება როგორც ონლაინ, ისე ადგილზე. ადგილზე ბილეთების ფასი 15 ლარი იქნება, ონლაინში შეძენა კი ამ საიტზე შეგიძლიათ. აღსანიშნავია ისიც, რომ 12 წლამდე ბავშვებისთვის შესვლა უფასოა.