ღმერთების ქალაქის, მე ლეგენდისა და სამხრეთის დედოფლის ამერიკული რიმეიქის ვარსკვლავი, ბრაზილიელი მსახიობი ელის ბრაგა X-Men-ის ფილმების სერიის ახალ ფილმში რაზარიო დოუსონს ჩაანაცვლებს და ახალი მუტანტის როლს მოირგებს.

ბრაგა ფილმში დოქტორ სესილია რეიესის როლში მოგვევლინება, რომელსაც ახალგაზრდა მუტანტების გაწვრთნა ევალება.

მუტანტების შესახებ გადაღებულ სპინოფში ერთ-ერთ მთავარ როლს კი სამეფო კარის თამაშების ვარსკვლავი მეისი უილიამსიც შეასრულებს. მეისის პერსონაჟი, რელიგიური გოგო იქნება, რომელიც ცდილობს შეეგუოს ფაქტს, რომ მას მგლად გადაქცევა შეუძლია.

ფილმის გადაღებები ივლისში დაიწყება და რეჟისორი ჯოშ ბუნი იქნება, პროდიუსერები კი საიმონ კინბერგი და კარენ როზენფელტი.

ახალი ფილმი ფოკუსირებული იქნება მუტანტებზე მსოფლიოს გარშემო, აქ შეხვდებით როგორც ინდოელ, ასევე ბრაზილიელ, რუს და სხვა ქვეყნის მუტანტებს.

ფილმის პრემიერა 2018 წლის 13 აპრილს არის დაგეგმილი.