ამის შესახებ დეპუტატმა პარლამენტში რამდენიმე წუთის წინ ბრიფინგი გამართა.

რატომ არის მნიშვნელოვანი: სამადაშვილი ამბობს, რომ ეს გადაწყვეტილება ბელგიამ იმ მიზეზით მიიღო, რომ საქართველოს დღევანდელი ხელისუფლება ქვეყანაში კანონის უზენაესობასა და მოქალაქეების უფლებების დაცვას ვერ უზრუნველყოფს.

  • ასევე, დეპუტატის ცნობით, ბელგიის გადაწყვეტილებით, საქართველოს მოქალაქეები ლტოლვილის სტატუსს გამარტივებული პროცედურით მიიღებენ, "როგორც მოქალაქეები, რომლებიც ცხოვრობენ ქვეყანაში, სადაც მათ საკუთარი ხელისუფლება ვერ იცავს".
  • სამადაშვილი აღნიშნავს, რომ იმისთვის, რათა მოქალაქეებს ევროკავშირის ქვეყნებში უვიზოდ მოგზაურობის შესაძლებლობა ჰქონდეთ, მნიშვნელოვანია, საქართველო უსაფრთხო ქვეყნად მიიჩნეოდეს.

დეტალები: მისი თქმით, როცა ბელგია იღებს ასეთ გადაწყვეტილებას, არსებობს სერიოზული საფრთხე, რომ მას სხვა ქვეყნებიც მიჰყვნენ.

  • "არც ისაა გამორიცხული, რომ რომელიმე მათგანმა დღის წესრიგში დააყენოს უვიზო მიმოსვლის შეჩერების მექანიზმის ამუშავების საკითხი დღის წესრიგში".
  • "ჩვენი ქვეყნის რუსული ხელისუფლება ყველაფერს აკეთებს იმისთვის, რომ საქართველო საბოლოოდ ჩამოშორდეს ევროპულ ორბიტას და ევროპულ სივრცეს".
  • On.ge დეტალებზე საგარეო საქმეთა სამინისტროს დაუკავშირდა და უწყებისგან პასუხს ელოდება.