ბრიტანეთში ცოტა ხნის წინ სუფოლკური ბატკანი დაიბადა, თუმცა მალევე სიარულის პრობლემები შეექმნა. კერძოდ, დაბადებიდან 2 კვირაში ბატკანს უკანა ფეხებით მოძრაობა აღარ შეეძლო. პრობლემის მოსაგვარებლად, ბატკანს ბორბლებიანი სასეირნო ეტლი აჩუქეს, რაც მას სიარულში ეხმარება.

როცა ბატკანი ცხვრის ფარას შეუერთდა, მალევე შენიშნეს, რომ მას მეგობრების მსგავსად გადაადგილება არ შეეძლო და სიარულიც უჭირდა. როგორც გაირკვა, ბატკანს, სახელად ვინის, ხერხემლის პრობლემები ჰქონია, რაც თავისუფლად გადაადგილებაში ხელს უშლის.

დაბადებიდან მალევე ბატკანი უკანა ფეხებს საერთოდ ვეღარ ამოძრავებდა. საქველმოქმედო ორგანიზაციამ კი, რომელიც მობილობის პრობლემების მქონე ცუგებს ეტლებს უმზადებს, ამჯერად ბატკნის დახმარება გადაწყვიტა და მას ბორბლებიანი ეტლი აჩუქა.

ვეტერინარების ვარაუდით, ბატკანი ფარას შესაძლოა ვეღარ შეუერთდეს. სამაგიეროდ, ვინი იმ პროექტებში ჩაერთო, რომლებიც ბავშვებს ცხოველებთან ურთიერთობაში ეხმარება.