ევროპის საბჭოს ვენეციის კომისიის პრეზიდენტი ამბობს, რომ ძალიან იმედგაცრუებულია და ყოველ საათში უფრო იმედგაცრუებული ხდება. ამის შესახებ ბუკიკიომ, კონსტიტუციის პროექტის შესახებ, ქართულ ოცნებასთან და პრეზიდენტთან შეხვედრის შემდეგ განაცხადა.

ბუკიკიოს თქმით, პროცესი დაბლოკილია, რადგან კონსტიტუციის პროექტზე კონსენსუსი ვერ შედგა.

"როგორც ადრე ვთქვი, პროექტი მართლაც კარგი იყო, შეიძლებოდა მისი გაუმჯობესება. ჩვენი მოსაზრებების წარდგენის შემდეგ, რაღაც ცვლილებები განხორციელდა, მაგრამ, ამ ცვლილებებს არ ეთანხმებიან სხვა პოლიტიკური ძალები, განსაკუთრებით კი, ოპოზიციაში", - აღნიშნა ევროპის საბჭოს ვენეციის კომისიის პრეზიდენტმა. ბუკიკიოს კომენტარის თარგმანს ტელეკომპანია რუსთავი 2 ავრცელებს.

მისი თქმით, მას სჯეროდა, რომ ქართული პოლიტიკური კლასი გადადგამდა ნაბიჯს უფრო დემოკრატიული კონსტიტუციის მისაღებად.

გუშინ, 28 ივნისს ჯანი ბუკიკიომ განაცხადა, რომ იმედგაცრუებული საპარალამენტო არჩევნების სრულად პროპორციული წესით არჩევის 2024 წლამდე გადავადებით. დღეს კი აღნიშნა, რომ კონსტიტუციას, რომელიც ერთი პარტიის მიერაა დამტკიცებული, არ აქვს სრული ლეგიტიმაცია.

საქართველოს ვიცე-პრემიერი, ალექსანდრე ჯეჯელავა ამბობს, რომ ევროპის საბჭოს ვენეციის კომისიის პრეზიდენტს, ჯანი ბუკიკიოს შეფასება კონსტიტუციის პროექტთან დაკავშირებით მკაცრი თარგმნის პრობლემის გამო ჩანდა.