რატომ არის მნიშვნელოვანი: გუშინ, 29 ივნისს აშშ-ის საელჩოში ამერიკის შეერთებული შტატების დამოუკიდებლობის დღესთან დაკავშირებით ღონისძიება გაიმართა.

  • მას სალომე ზურაბიშვილი, ირაკლი ღარიბაშვილი, სასულიერო პირები, მინისტრები, დეპუტატები და მედიის წარმომადგენლები, მაშინ შორის, ნიკა გვარამია ესწრებოდა.
  • ჟურნალისტები დაინტერესდნენ, რატომ არ იმყოფებოდა ღონისძიებაზე "ოცნების თავმჯდომარე".

კობახიძე მიზეზად რამდენიმე დეპუტატისთვის სოლიდარობის გამოხატვას ასახელებს. როგორც ის ამბობს, მათ გამოუგზავნეს მოსაწვევი, შემდეგ კი უთხრეს, რომ ჯობდა არ მისულიყვნენ.

  • ჟურნალისტების კითხვაზე, თუ ვინ იყო ეს დეპუტატი და ხომ არ იყო ეს ანრი ოხანაშვილი, რომელიც გასულ წელს ამავე ღონისძიებაზე ვატო წერეთელს დაესხა თავს, კობახიძე არ პასუხობს.
  • "არ დავაკონკრეტებ. თვითონ დააკონკრეტებს თუ ექნება სურვილი. დასამალი არაფერი არ არის ამაში. ერთი არ იყო სხვათა შორის, ასეთი იყო სამი. ვისაც, ჩვენ რაც გვაქვს ინფორმაცია, შემთხვევით გამოუგზავნეს მოსაწვევი, იმიტომ, რომ სინამდვილეში, არ უნდოდათ მიწვევა. მერე უთხრეს, რომ ჯობდა არ მისულიყვნენ".
  • მისი თქმით, პატივს სცემენ აშშ-ის საელჩოს, თუმცა "კონკრეტული ჩინოსნების გამო ხდება უხეში შეცდომების დაშვება", რაზეც რეაგირება ჰქონდათ.
  • ჟურნალისტებმა მას შეახსენეს, რომ ღონისძიებას დეპუტატი ირაკლი თალაკვაძე ესწრებოდა, რაზეც კობახიძე აღნიშნავს, რომ საელოში რამდენიმე ლიდერი არ იყო მისული, "მაგრამ დეპუტატები უნდა მისულიყვნენ", რაც კონსულტაციებით გადაწყვიტეს.