რატომ არის მნიშვნელოვანი: 6 ივნისს ოკუპანტებმა უკრაინაში ერთ-ერთი ყველაზე დიდი ჰიდროელექტროსადგურის, კახოვკის, კაშხალი ააფეთქეს.

  • მდინარე დნეპრზე მდებარე ჰესის აფეთქების შედეგად ათობით დასახლება დაიტბორა, ათასობით მშვიდობიანი მოქალაქე კი ევაკუირებულია.
  • უკრაინამ და საერთაშორისო საზოგადოებამ მომხდარში რუსეთი დაადანაშაულა და ჰესის აფეთქებას ომის დანაშაულს უწოდა, რუსეთი კი ბრალდებას უარყოფს და ყველაფერს, ტრადიციულად, უკრაინას უკავშირებს.
  • მეტიც, მოსკოვი თავისივე დანაშაულისთვის უკრაინას ჰააგაში უჩივის.

დეტალები: გაეროს ჰუმანიტარულ საკითხთა კოორდინატორის განცხადებით, თანამშრომლობენ რუსეთთან და უკრაინასთან, რათა დაზარალებულებს ეფექტიანი ჰუმანიტარული დახმარება მიაწოდონ.

  • თუმცა, რუსეთმა უარყო მათი მოთხოვნა, რუსეთის დროებით კონტროლირებად ტერიტორიაზე შესულიყვნენ.
  • გაეროში აღნიშნავენ, რომ დაზარალებულებისთვის წვრომის მოსაძებნად სამუშაოებს გააგრძელებენ.
  • "დახმარებაზე უარის თქმა არ შეიძლება იმ ადამიანებისთვის, ვისაც ეს სჭირდება. გაერო გააკეთებს ყველაფერს, რათა მიაღწიოს ყველას მათ შორის მათ, ვინც კაშხლის განადგურებით დაზარალდა".